Fréttir

"Fylgjumst með og tökum ákvörðun ef forsendur leyfa."

Þjálfarar þurfa að kunna á leiðir til að vinna með þolendum og gerendum

Tilraunatímabili MAk lýkur um komandi áramót

„Til starfs og stórra sigra“ - 100 ára saga Einingar-Iðju og forvera að öllu leyti unnin í heimabyggð

Fólkið sem lést í hinu hörmulega slysi þegar bifreið sem þau voru í lenti í sjónum við höfnina á Árskógssandi var fjölskylda frá Pólandi, sambúðarfólk á fertugsaldri og 5 ára gömul dóttir þeirra. Tveggja ára gamalt barn þeirra var í gæslu í Hrísey þar sem fjölskyldan var búsett. Þau höfðu búið í eynni í nokkur ár. Þau voru á heimleið þegar slysið varð. Aðstandendur hafa óskað eftir að nöfn þeirra verði ekki gefin upp að því er fram kemur í tilkynningu frá lögreglu. Enn er ekki að fullu ljóst hver tildrög slyssins voru, en aðstæður á vettvangi voru erfiðar, veður var slæmt, nánast stórhríð. Rannsókn stendur enn yfir. Tilkynning barst viðbragðsaðilum um kl. 17.30 síðastliðinn föstudag, en auk lögreglu og björgunarfólks komu kafarar á vettvang og náðu þeir fólkinu úr bílum rúmri klukkustund eftir útkallið. Engin búnaður var á bryggjunni til að reyna björgun. Sjórinn um fjögurra metra djúpur þar sem bíllinn fór fram af og um þriggja gráðu heitur. Bænastund var haldin í Hríseyjarkirkju í gærkvöld. Stofnaður hefur verið söfnunarreikningur til styrktar ættingjum fólksins.