Fréttir

Kristján Þór Magnússon er best þekktur í dag sem sveitarstjóri Norðurþings en hann er nú á sínu öðru kjörtímabili. Hann var einnig mjög frambærilegur knattspyrnumaður á sínum yngri árum og lék með Völsungi í 2. deild karla árið 1996.

„Ég heiti Ragna Kristjánsdóttir og er 50 ára gömul og er kennari í Giljaskóla á Akureyri. Ég er Akureyringur, uppalin í Glerár- og Síðuhverfi og er Þorpari,“ segir Ragna sem tók áskorun Tryggva Gunnarssonar í síðasta blaði og hefur umsjón með Matarhorninu þessa vikuna. „Ég hef starfað við kennslu frá árinu 1995 og finnst enn jafn gaman að mæta til vinnu. Ég ætla að bjóða uppá hörpudisk vafinn í hráskinku, borið fram með mozzarella osti, tómötum og basiliku. Tikka Masala með hrísgrjónum og Naan brauði og meðlæti sem er borið fram í litlum skálum. Þá verður hver munnbiti með mismunandi bragði. Borið fram með hrísgrjónum og salati. Í eftirrétt ætla ég að bjóða uppá bláberjakrap. Uppskriftir eru miðaðar við fjóra.

Síðastliðið sumar voru óvenju margir námsmenn við sumarstörf á Þekkingarneti Þingeyinga (ÞÞ). Brugðist var við óvenjulegum aðstæðum háskólanema vegna heimsfaraldursins sem enn geysar. Algengt er að háskólanemar vinni störf í ferðaþjónustu á sumrin en vegna ástandsins í samfélaginu héldu ferðaþjónustufyrirtæki að sér höndum við ráðningar í vor. ÞÞ svaraði kalli nemanna og fjölgaði stöðugildum yfir sumarið en 19 háskólanemar störfuðu hjá stofnuninni við tímabundin verkefni í samstarfi við sveitarfélögin á svæðinu og Vinnumálastofnun. Flestir voru námsmenn sumarsins starfsmenn Þekkingarnetsins en nokkrir voru starfsmenn samstarfsaðila Þekkingarnetsins eins og sveitarfélaga á svæðinu. Dagný Theodórsdóttir er tveggja barna móðir á Húsavík sem lauk BA-námi í sálfræði við Háskólann á Akureyri í vor. Hún vann eitt þessara verkefna í sumar en er nú komin í masters nám í rannsóknartengdri sálfræði sem hún stundar í fjarnámi við Háskólann á Akureyri. Vikublaðið ræddi við Dagnýju í vikunni.

Akureyrarapótek fagnaði 10 ára afmæli nýverið en það var Jónína Freydís Jóhannesdóttir lyfjafræðingur sem stofnaði fyrirtækið árið 2010 ásamt Gauta Einarssyni lyfjafræðingi. Þau endurvöktu í leiðinni rótgróið nafn á apóteki í bænum en nafnið á sérstakan sess í hugum fólks. Vikublaðið spurði Jónínu út í fyrirtækið og hana sjálfa.

Fjórir með virkt Covid-19 smit í landsfjórðungnum og þrír eru í sóttkví.

Þessir glæsilegu krakkar komu færandi hendi í Rauðakross búðina á Húsavík í vikunni. Börnin vildu láta gott af sér leiða á þessum undarlegu tímum og datt snjallræði í hug

Enn óvíst um plássið hjá Rúmfatalagernum-Gott hljóð í verslunarmönnum

Í Borgarhólsskóla á Húsavík er aðventan þetta árið notuð til að styrkja góð málefni en á heimasíðu skólans kemur fram að undan farin ár hafi nemendur haldið pakkapúkk fyrir jólin og skipst á gjöfum en að gildi þessarar hefðar hafi dvínað. Engu að síður hefur verið tekin ákvörðun um að nýta þann kraft sem felst í hugtakinu „sælla er að gefa en þiggja“.

Áætlað er að heimilið verði tilbúið til notkunar í lok árs 2023.

Áherslur meirihlutans miða að því að verja störf hjá sveitarfélaginu og ljóst er að bjartsýni gætir um að umsvif iðnaðarstarfsemi á Bakka aukist á komandi árum með tilheyrandi atvinnusköpun og tekjuaukningu. Minnihlutinn gagnrýnir meirihlutann fyrir að ganga ekki lengra í að standa vörð um fyrirtækin á svæðinu með lækkun gjalda á fyrirtæki og íbúa á þessum viðsjárverðu tímum.

Soroptimistaklúbbur Húsavíkur og nágrennis hvetur fyrirtæki og stofnanir í Þingeyjarsýslum til að leggja málefninu lið með roðagullinni lýsingu þessa daga og vekja þannig athygli á þessu brýna verkefni.

Nú eru sex í einangrun í landsfjórðungnum og sjö í sóttkví.

Alls greindust 18 með kórónuveiruna innalands í gær, þar af voru 11 í sóttkví.

Fjárhagsáætlun Akureyrarbæjar fyrir árið 2021 var lögð fram í bæjarráði nýverið og jafnframt var lögð fram þriggja ára áætlun áranna 2022-2024.

Krónan mun opna á Akureyri árið 2022 og verslunarrisinn hefur lengi stefnt að því að opna verslun í bænum.