Meira til varnar kisunum
Fyrr í sumar birtist svar við grein minni um lausagöngu katta á Akureyri sem höfundur svarsins tileinkaði til varnar kisunum. Mér fannst áherslan þar vera minni á kisunum sjálfum en meir til varnar þeim kattaeigendum sem velja það að hafa ekki taumhald á þessum gæludýrum sínum. Þess vegna tók ég til nokkur atriði hérna sem vonandi hjálpa til við að verja kisurnar gegn ósanngjarnri umfjöllun:
Ég held að það sé fyrir marga fátt til sem er eins róandi og að hafa malandi kisu við hliðina á sér. Nálægðin við ánægða og spaka kisu í hvíld er endurnærandi fyrir sálina hjá kisuvinunum og uppátækin hjá dýrunum geta líka verið alveg kostuleg.
Mér finnst það sjálfsagt og eðlilegt að fólk sem hefur aðstöðu og heilsu til að búa með kött fái að gera það ef það skemmir ekki fyrir öðrum. Það er þónokkur skuldbinding fylgjandi því að taka að sér kisu, þetta eru lifandi verur sem þurfa sitt atlæti og umsjón og fólk verður að gera sé grein fyrir því að kettir sem alast sem gæludýr geta hæglega orðið meir en 15 ára gamlir.
Því miður eru þau mörg til sem eru með líkamlegt ofnæmi fyrir próteinum sem kettir mynda. Þess vegna verður það fólk að vera laust við nálægð katta. Í erfiðustu tilfellum getur það verið þannig að barn með slíkt ofnæmi getur ekki haft náin samskipti við eða sem sessunaut einhvern frá kattaheimili.
Kettir sem ganga lausir geta komist í snertingu við ýmislegt sem ólíklegt er að fólk vilji hafa í húsum inni. Kona sem ég þekki lýsti því þegar hún fór til heimilislæknis vegna útbrota á fótum og fyrsta spurningin sem læknirinn spurði hana við skoðunina var um það hvort það væri köttur á heimilinu. Það var reyndar ekki en það er greinilegt á þessu að læknirinn gerði ráð fyrir að kettir eru ekki frekar en önnur dýr laus við að fá á sig ýmsa óværu í útileiðöngrum. Það eru líka fæstir sem eru hrifnir af því að það séu borin inn í hýbýli fólks hræ af fuglum og nagdýrum sem veiðiklærnar hafa gripið á leið sinni.
Íslenskt fuglalíf er viðkvæmt fyrir því álagi sem fylgir lausagöngu katta. Vistfræðilega séð er kötturinn framandi rándýr í náttúrunni hér og þegar veiðar kattanna bætast ofan á það sem innlendu rándýrin taka s.s hrafn og mávur kemst lítið sem ekkert á legg af þeim fuglategundum sem annars ættu að eiga möguleika að þrífast þokkalega í nágrenni við mannfólkið.
Þessi áhrif á náttúruna, óþrifnaðurinn og ónæðið sem fylgir útigöngunni hafa valdið því að kettir eru orðnir mjög óvinsælir hjá mörgum þeirra sem er annt um náttúru og umhverfi. Mér finnst það miður vegna þess að ég tel ekki vera við kisurnar að sakast, heldur fólkið sem í hugsunarleysi sínu finnst það sjálfsagt mál að láta kettina fara um allt eins og þeim dettur í hug. Satt að segja finnst mér það óskaplega órómantísk tilhugsun að sjá fyrir sér að kisan sem kúrir uppí sófanum hjá handavinnu húsmóðurinnar er að hvíla sig eftir að hafa stútað síðasta þrastarunganum á nágrannalóðinni eða annað álíka afrek.
Besta lausnin fyrir kisurnar er að mínu mati að kattaeigendur sýni þá ábyrgð að hafa kisurnar hjá sér og hlífi umhverfinu við þeim neikvæðu áhrifum sem lausagangan veldur. Enda er það svo að ég tel það stangast á við jafnræðisreglu stjórnsýslu að aðeins ein gæludýrategund megi ganga laus meðan eigendum allra annara gæludýra er gert að hafa taumhald á sínum dýrum. Katthotsfólkið þekkir mörg góð ráð sem það getur veitt þeim kisuvinum sem eru óörugg með það hvernig er best að haga sér í þessu.
-Ólafur Kjartansson. Höfundur er varamaður áheyrnarfulltrúa VG í umhvefis- og framkvæmdaráði Akureyrarbæjar.
Nýjast
-
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi. -
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi.
Athugasemdir