Lokaorðið - Skuldbinding
Dýrleif Skjóldal átti Lokaorðið í blaðinu s.l. fimmtudag
Að skuldbinda sig til einhvers er að skylda sig til einhvers eða heita einhverju með hátíðlegi loforði samkvæmt íslenskri orðabók. Þetta orð hefur leitað á huga minn í talsverðan tíma. Ég er nú einu sinni þannig gerð að heilinn í mér á það til að festast í einhverjum hugrenningum og þetta orð er eitt af þeim.
Mér finnst skuldbinding fólks fara þverrandi.
Þegar ég fór út á vinnumarkaðinn á seinni hluta fyrri aldar var mér uppálagt af foreldrum mínum að standa mig vel og virða skuldbindingar mínar, þ.e mæta á réttum tíma og gera það sem ætlast var af mér eins vel og ég gæti. Fyrir það fengi ég greitt og að fólk sem ekki gerði það myndi bara missa vinnuna og fá á sig slæmt orð. Foreldrar mínir tóku bæði þátt í störfum með sínum stéttarfélögum og lögðu sitt af mörkum til þess að gera starfsaðstæður félaga sinna betri. Það hef ég líka gert. Ég velti samt fyrir mér hvort það að veikindaréttur og lengri frí ss. Sumarfrí og betri vinnutími hafi átt þátt í að nú telji ,,allir” sig eiga rétt à hinu og þessu gagnvart vinnuveitanda og í lífinu almennt. ,,Við eigum öll að hafa það svo gott alltaf.”
Það er t.d. ekki óalgengt að ungt fólk sem ræður sig í sumarafleysingar ætlist til að þau geti farið í 3 vikna frí á miðju sumri. Það er líka orðið algengt að foreldrar taki börn á skólaskyldualdri úr skóla til að fara með þau til útlanda í tvær til þrjár vikur af því að það hentar þeim. Því miður er líka farið að heyrast um fólk sem telur það skyldu sína að taka út þessa tvo veikindadaga á mánuði í stað þess að safna þeim upp og nýta þegar virkilega er um veikindi að ræða eins og til var ætlast.
Ég held semsagt að það sé börnum jafn hollt að takast á við skyldur sínar eins og að læra um réttindi sín. Það að mæta í skóla undirbúin, á æfingar og gera annað það sem af þeim er ætlast styrkir börn en veikir þau ekki. Það er skylda foreldra /fullorðinna í þeirra lífi að vera þeim góð fyrirmynd hvað þetta varðar og leiðbeina þeim. Þannig byggjum við upp ábyrga einstaklinga.
En hvað er að marka mig? Kerlingu á sjötugsaldri, sem er svo skuldbundin honum Gunna að hún tekur að sér að bulla um hugrenningar sínar reglulega í þetta blað. Ég vona samt að blaðburðarbarnið sem tók að sér að skila blaðinu til mín, geri það.
Nýjast
-
Færðu sjúkradeildinni gjafir að verðmæti 4,5 milljónir
Sjúkradeild Heilbrigðisstofnunar Norðurlands á Húsavík tók 19. október við veglegri gjöf frá Krabbameinsfélagi Suður-Þingeyinga. Um er að ræða tvö fullbúin sjúkrarúm og blöðruskanna, en samanlagt verðmæti gjafanna er um 4,5 milljónir króna. -
Lokaorðið - Skuldbinding
Að skuldbinda sig til einhvers er að skylda sig til einhvers eða heita einhverju með hátíðlegi loforði samkvæmt íslenskri orðabók. Þetta orð hefur leitað á huga minn í talsverðan tíma. Ég er nú einu sinni þannig gerð að heilinn í mér á það til að festast í einhverjum hugrenningum og þetta orð er eitt af þeim. Mér finnst skuldbinding fólks fara þverrandi. -
Minnisvarði um síðutogarasjómenn vekur mikla athygli
Minnisvarðinn um síðutogara og síðutogarasjómenn hefur fengið afar jákvæðar viðtökur frá því hann var settur upp skammt norðan við athafnasvæði Siglingaklúbbsins Nökkva á Höefnerssvæðinu. Hann hefur vakið athygli bæði innanlands og utan. Eldri togarasjómenn stóðu fyrir söfnun vegna minnisvarðans, en þeir standa nú frammi fyrir því að um 1,5 milljónir króna vantar upp á til að greiða niður síðustu skuldir vegna þessa verkefnis. -
„Vinnustaður þar sem fólk hefur jöfn tækifæri til að hafa áhrif“
Háskólinn á Akureyri hefur hlotið viðurkenningu Jafnvægisvogarinnar fyrir árið 2026 fyrir kynjajafnvægi í efsta lagi stjórnunar. -
Farþegafjölgun hjá Sæfara á liðnu sumri..... um einn
Farþegum með Grímseyjarferjunni Sæfara fjölgaði milli ára samkvæmt nýjum tölum fyrir tímabilið 1. maí til 1. september. Sumarið 2025 flutti ferjan 6.028 farþega en sumarið 2026 voru farþegarnir 6.029. Það fjölgaði um einn farþega á tímabilinu. -
Lögreglan á Norðurlandi eystra Óskar eftir fjármögnun 7 nýrra stöðugilda
Lögreglan á Norðurlandi eystra fer fram á fjármögnun fyrir sjö ný stöðugildi, þar af fimm til almennrar eflingar löggæslu og tvö vegna verkefna sem tengjast ofbeldi gegn börnum. -
Vilja að dætur geti leitað jafnt til pabba og mömmu
Tögl og tíðir: Að greiða hár barns getur verið meira en verkefni sem þarf að ljúka áður en haldið er út í daginn. Stundin getur líka gefið færi á spjalli, samveru og tengslamyndun. Á námskeiðinu Tögl og tíðir hjá Þekkingarneti Þingeyinga fá feður tækifæri til að æfa hárgreiðslu og fræðast um blæðingar. Markmiðið er að efla bæði færni þeirra og öryggi í föðurhlutverkinu. -
Loftbrúin má ekki missa flugið
Fyrir okkur sem búum fjarri höfuðborginni skiptir máli að við getum greiðlega sótt þangað þjónustu án þess að slíkar ferðir valdi óþarfa fjárhagsáhyggjum. Það er grundvallaratriði að búseta ráði ekki möguleikum fólks til að nýta þá þjónustu sem byggð hefur verið upp fyrir alla landsmenn í höfuðborginni. Þar spilar innanlandsflugið lykilhlutverk. Boðaðar breytingar innviðaráðherra í tengslum við Loftbrúnna valda því miklum vonbrigðum. -
Tæplega 1300 manns starfa við ferðaþjónustu á Akureyri
„Ferðaþjónusta hefur á undanförnum árum orðið afar mikilvæg stoð í atvinnulífi á Akureyri,“ segir Jóhannes Þór Skúlason framkvæmdastjóri Samtaka ferðaþjónustunnar.
