Listasafn Íslands og Safnasafnið, sameiginleg sýning; Ísland úr fjarska
Ísland úr fjarska er heiti á sýningu sem opnuð verður í Safnasafninu á morgun laugardag.
Listasafn Íslands og Safnasafnið standa sameiginlega að sýningunni Ísland úr fjarska sem verður opnuð í Safnasafninu á Svalbarðseyri laugardaginn 16. maí kl. 14.
Í safneign Listasafns Íslands eru 24 landslagsmálverk frá miðri 18. öld eftir óþekktan höfund. Öll bera þau áletrun sem tengir myndefnið við Ísland, til dæmis Eyjafjallajökull og Almannagjá en þó er ljóst að myndasmiðurinn hefur varla komið til Íslands því fátt minnir á íslenska náttúru í þessum verkum.
Málverkin voru gjöf frá erfingjum dansks baróns árið 1928. Þau hafa verið í slæmu ástandi og lengi í geymslu, en umfangsmikil forvarsla hefur nú gert sýningu þeirra mögulega. Gestir fá innsýn í vinnu forvarða sem jafnan fer fram bak við tjöldin.
Einnig gefst tækifæri til að velta fyrir sér ólíkri sýn á landið og kynnast frumlegum hugmyndum um fjöll í samtali þessara gömlu verka og nýrra fjalla úr smiðju nemenda í Valsárskóla í næsta nágrenni við Safnasafnið.
Nýjast
-
Listasafn Íslands og Safnasafnið, sameiginleg sýning; Ísland úr fjarska
Listasafn Íslands og Safnasafnið standa sameiginlega að sýningunni Ísland úr fjarska sem verður opnuð í Safnasafninu á Svalbarðseyri laugardaginn 16. maí kl. 14. -
Ný heimasíða fyrir Bakka opnuð og vörumerki endurnýjað
Ný heimasíða iðnaðarsvæðisins á Bakka hefur verið opnuð á slóðinni bakki.nordurthing.is með það að markmiði að kynna uppbyggingartækifæri á svæðinu og veita skýra yfirsýn yfir innviði, þjónustu og samfélagið sem styður við starfsemi þar. -
Akureyrarbær og Grófin framlengja samstarf til 2028
Akureyrarbær og Grófin geðrækt hafa skrifað undir nýjan samstarfssamning sem tryggir áframhaldandi þjónustu Grófarinnar á Akureyri til ársloka 2028. -
Sveitarstjórnarkosningar, laugardaginn 16. maí 2026
Kjörstaðir á Akureyri eru í Verkmenntaskólanum , í Hríseyjarskóla og í Félagsheimilinu Múla í Grímsey. -
Raunhæft greiðsluþak – forðumst gylliboð
Við í Samfylkingunni ætlum að setja fjölskylduna í fyrsta sæti og setjum fram raunhæfar lausnir í leikskólamálum. -
,,Þegar bjallan hringir” - Holl vitundarvakning Þroskahjálpar og áhugasamra um málefni fólks með fötlun
Miðvikudaginn 13. maí tók ég þátt í mínu fyrsta pallborði í þessu framboðsbrölti mínu. Ég taldi mig nokkuð örugga, enda hafði ég „lært heima“ og þekki málaflokkinn vel. Sömuleiðis hef ég átt ótal samtöl um málaflokkinn. -
Kæru íbúar Akureyrar, Hríseyjar og Grímseyjar
Síðustu vikur hafa verið skemmtilegar og lærdómsríkar, við í VG höfum heimsótt fjölmörg félagasamtök og fyrirtæki og hitt og hlustað á fólk sem glímir við ýmsar áskoranir. -
Ég styð Sjálfstæðisflokkinn
Og af hverju kýs ég Sjálfstæðisflokkinn ? Hann kýs lýðræði umfram einræði. Hann vill sjálfstæði einstaklingsins en ekki of mikil ríkisafskipti. -
Veljum samfélag þar sem enginn er skilinn eftir
Kæri kjósandi. Á morgun hefur þú kost á að kjósa samheldinn og kraftmikinn hóp Akureyringa sem hefur einsett sér að vinna að jöfnu og sterku samfélagi þar sem enginn er skilinn eftir.
