Kinnungar þurftu flestir að greiða fyrir gistingu
Óvissustigi hefur verið aflétt í Kinn og Útkinn í Þingeyjarsveit eftir að aurskriður féllu í byrjun mánaðarins. Alls þurftu ríflega 50 manns að yfirgefa heimili sín á meðan ástandið var verst.
Ljóst er að umtalsvert tjón hefur orðið sem erfitt er að meta. Aur og drulla flæddi víða yfir ræktarland og vegi. Vinna er hafin við hreinsunarstarf.
Þá er ótalinn kostnaður sem íbúar sveitarinnar þurftu að bera vegna gistingar þegar þau þurftu að flýja heimili sín.
Róshildur Jónsdóttir, bóndi á Rangá var ein þeirra sem þurfti að yfirgefa heimili sitt en hún rekur einnig gistiþjónustu í fimm húsum á jörð sinni sem voru í útleigu. Hún þarf að bera þann kostnað sjálf.
„Við þurftum að borga það allt sjálf. Ég spurði lögregluna út í það og fékk þau svör að það væri ekki venjan að greiða fyrir gistingu fólks þegar svona gerðist,“ segir Róshildur í samtali við Vikublaðið.
Þá segir hún að ferðafólk sem hafi verið í gistingu hjá sér hafi þurft að flytja sig yfir á hótel og greiða aukakostnað sem því fylgdi.
„Við vorum sótt af Björgunarsveitinni, allir sem voru hjá mér. Sumir fóru til Akureyrar en aðrir til Húsavíkur og borguðu þar fyrir sína gistingu. Við vorum alla vega 10 sem vorum sótt af Björgunarsveitinni og þurftum að borga fullt verð,“ segir Róshildur.
Þá sér Róshildur fram á tjón vegna lokunar gistihúsanna. „Ég þurfti líka að hafa gistiheimilið lokað í fimm daga þannig að þetta er talsvert tjón fyrir mig sem ég er ekki að sjá að ég muni fá bætt. Tryggingar dekka ekki tjónið þar sem ekki er um eignatjón að ræða,“ segir hún og bætir við að í raun sé um lengri tíma en þessa fimm daga sem hún missir úr rekstrinum því sumar bókanirnar hafi verið til lengri tíma.
Þó flestir hafi þurft að útvega sér gistingu sjálfir, þá voru nokkrir sem fengu hótelgistingu greidda af Ríkislögreglustjóra.
Hermann Karlsson sem var yfir aðgerðarstjórn Almannavarna segir í samtali við blaðið að samtal hafi verið tekið við íbúa þegar aðstæðurnar komu upp. „Þá var tekið samtal við þá aðila sem voru á umræddum heimilum. Þegar farið er í rýmingar þá er fjöldahjálparstöð yfirleitt opnuð, það er hefðbundið verklag. Þá er í boði að vera þar og fá þá þjónustu sem þarf, yfirleitt í grunnskólum eða einhverju slíku,“ segir hann.
Í þessu tilfelli var tekin ákvörðun um að virkja ekki fjöldahjálparstöð. „Því það kom í ljós þegar samtalið við íbúa var tekið að langflestir höfðu möguleika á því að eigin sögn að útvega sér gistingu sjálfir. Hvort sem það var hjá vinum og ættingjum eða eitthvað annað,“ útskýrir Hermann og bætir við að á þessu hafi verið undantekningar.
„Ég veit að eftir stóðu örfáir aðilar og þeim var útveguð gisting á kostnað embættisins. Þannig er verklagið,“ segir hann.
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir