HSN - Uppbygging og aukin þjónusta þrátt fyrir krefjandi rekstur
Jón Helgi Björnsson, forstjóri HSN í pontu mynd HSN
Á ársfundi Heilbrigðisstofnunar Norðurlands (HSN), sem fram fór í Hofi á Akureyri þann 20. maí 2026, voru kynntar niðurstöður rekstrarársins 2025. Ljóst er að heilbrigðisþjónusta á Norðurlandi stendur á mikilvægum tímamótum þar sem uppbygging, aukin þjónusta og skipulagsbreytingar hafa verið í forgrunni, þrátt fyrir krefjandi rekstrarumhverfi. HSN þjónustar rúmlega 38 þúsund íbúa frá Blönduósi til Þórshafnar og rekur 17 starfsstöðvar með alls 502 stöðugildi.
Helstu niðurstöður ársins 2025
- Rekstrarhalli nam 303 milljónum króna, sem skýrist að mestu af nýjum kjara- og stofnanasamningum auk aukins leigukostnaðar vegna nýrrar aðstöðu í Sunnuhlíð, en sá kostnaður hefur ekki enn verið að fullu fjármagnaður.
- Uppbygging þjónustu hélt áfram, meðal annars með yfirtöku hjúkrunarheimilisins Sæborgar á Skagaströnd.. HSN rekur nú yfir 200 hjúkrunar- og sjúkrarými á Norðurlandi og er undirbúningur nýs hjúkrunarheimilis í Norðurþingi hafinn þar sem 60rými verða í boði.
- Skipulagsbreytingar hafa skilað árangri. Sameining heilsugæslu á Dalvík og í Fjallabyggð hefur eflt mönnun og aukið stöðugleika, auk þess sem ákveðið var að fresta byggingu annarrar heilsugæslustöðvar á Akureyri þar sem nýtt verklag og teymisvinna hafa reynst vel.
- Eftirspurn eftir þjónustu heldur áfram að aukast, sérstaklega innan heilsugæslu og sálfélagslegrar þjónustu. Ný verkefni á borð við geðheilsuteymi barna og Akureyrarklíníkina hafa mætt mikilli þörf en vel hefur gengið að manna stöður.
- Skipulagsbreytingar hafa skilað árangri. Sameining heilsugæslu á Dalvík og í Fjallabyggð hefur eflt mönnun og aukið stöðugleika, auk þess sem ákveðið var að fresta byggingu annarrar heilsugæslustöðvar á Akureyri þar sem nýtt verklag og teymisvinna hafa reynst vel.
- Starfsánægja jókst verulega á árinu. Í könnuninni Stofnun ársins hækkaði HSN úr 3,76 í 4,15 milli ára. Verkefni eins og Vellíðan á vinnustað hafa stuðlað að bættri líðan starfsfólks, samhliða aukinni ánægju skjólstæðinga þar sem yfir 90% þátttakenda í þjónustukönnun lýstu yfir ánægju með þjónustuna.
- Nýsköpun og stafrænar lausnir eru sífellt stærri þáttur í starfseminni. Þátttaka í þróunarverkefnum, tilnefningar til nýsköpunarverðlauna og styrkir á sviði fjarheilbrigðisþjónustu og gervigreindar undirstrika framsækni HSN.
- Gjafir og styrkir námu um 40 milljónum króna á árinu og hafa skipt miklu máli fyrir starfsemina.
„HSN hefur búið við langvarandi rekstrarhalla sem að stórum hluta má rekja til ófjármagnaðra kjara- og stofnanasamninga og nú einnig aukins leigukostnaðar vegna nýrrar aðstöðu í Sunnuhlíð,“ segir Jón Helgi Björnsson, forstjóri HSN. „Þrátt fyrir það hefur tekist að halda áfram uppbyggingu þjónustunnar með skýrri framtíðarsýn að leiðarljósi. Með skipulagsbreytingum, öflugri teymisvinnu og aukinni notkun stafrænna lausna höfum við styrkt grunn þjónustunnar og skapað betri forsendur til framtíðar. Árið 2025 var krefjandi, en jafnframt mjög lærdómsríkt og árangursríkt á mörgum sviðum.“
Ársskýrsla HSN fyrir starfsárið 2025 er aðgengileg á heimasíðu stofnunarinnar.
Nýjast
-
Arkitektastofan ALARK arkitektar hlaut fyrstu verðlaun í samkeppni um skipulag Akureyrarvallar og nágrennis
Arkitektastofan ALARK arkitektar hlaut fyrstu verðlaun í hugmyndasamkeppni Akureyrarbæjar um skipulag Akureyrarvallar og nærliggjandi svæðis. Alls bárust 16 tillögur, þar af 15 gildar, í samkeppnina sem haldin var í samstarfi við Arkitektafélag Íslands. -
Viltu metta marga þann 17da júni?
Hátíðarhöld á þjóðhátíðardeginum fara fram í Lystigarðinum á Akureyri og á MA-túninu líkt og undanfarin ár. Á svæðinu verður fjölbreytt dagskrá fyrir alla fjölskylduna og skátarnir halda meðal annars uppi fjörinu á túninu með alls kyns skemmtun og leiktækjum. -
HSN - Uppbygging og aukin þjónusta þrátt fyrir krefjandi rekstur
Á ársfundi Heilbrigðisstofnunar Norðurlands (HSN), sem fram fór í Hofi á Akureyri þann 20. maí 2026, voru kynntar niðurstöður rekstrarársins 2025. Ljóst er að heilbrigðisþjónusta á Norðurlandi stendur á mikilvægum tímamótum þar sem uppbygging, aukin þjónusta og skipulagsbreytingar hafa verið í forgrunni, þrátt fyrir krefjandi rekstrarumhverfi. HSN þjónustar rúmlega 38 þúsund íbúa frá Blönduósi til Þórshafnar og rekur 17 starfsstöðvar með alls 502 stöðugildi. -
Vinningstillaga um skipulag Akureyrarvallar kynnt í dag
Vinningstillagan í samkeppni um skipulag Akureyrarvallar og nágrennis verður tilkynnt við hátíðlega athöfn í Menningarhúsinu Hofi í dag og hefst kl 17. -
Sýning ársins 2026 í Menningarhúsi í Sigurhæðum
Laugardaginn 30. maí kl 13-17 opnar sýning ársins 2026 í Flóru Menningarhúsi í Sigurhæðum á Akureyri. -
Að þora ekki að ræða við nágranna sína
Vandséð er að ég hefði náð nokkrum árangri í verslun og viðskiptum ef ég hefði forðast að ræða við erlenda heildsala sem ég átti farsæl viðskipti við um árabil. Þá lét ég mig hafa það að setjast niður með þessu ágæta fólki til að ræða við það um kaup á ýmiss konar fatnaði og leita leiða til að þau viðskipti yrðu sem farsælust fyrir báða aðila. Þetta gerði ég meira að segja án þess að hafa fengið svör við öllum þeim álitamálum sem voru á milli okkar áður en viðtölin hófust. Datt ekki einu sinni í hug að spyrja þau spjörunum úr áður en ég vogaði mér að ræða við þau um væntanleg viðskipti. Slík var nú dirfskan og frekjugangurinn af minni hálfu – hóf bara samræður án þess að vera búinn að fá svör við mörgum álitamálum og án nokkurra skuldbindinga fyrir fram. Vonaði síðan það besta enda urðu niðurstöðurnar yfirleitt ágætar fyrir báða aðila. -
Samið um rekstur MAk til næstu fjögurra ára
Ásthildur Sturludóttir, bæjarstjóri á Akureyri, og Eva Hrund Einarsdóttir, framkvæmdastjóri Menningarfélags Akureyrar (MAk), hafa skirfað undir nýjan samning Akureyrarbæjar og MAk um rekstur menningarfélagsins til ársloka 2029. -
Lokaorðið Klukkan í sundlauginni
Í síðasta pistli mínum skrifaði ég um innviðaskuldir og sviðsmyndir. Gekk sá pistill þó aðallega út á það hvert ég ætlaði að borga mína innviðaskuld. Komst ég aðþeirri niðurstöðu og er ég enn á þeirri skoðun að innviðaskuldin fer í mig sjálfan. -
Hlíðarskóli safnar fyrir barnadeild sjúkrahússins
Miðvikudagurinn 27. maí verður hið árlega góðgerðarhlaup Hlíðarskóla. Nemendur skólans hlaupa upp og niður heimreið skólans, eina 500 metra og snúa þar við. Hver ferð er því kílómeter og þeir hafa klukkutíma til að fara eins margar ferðir og þeir ge...
