Unga fólkið kennir okkur margt
Það er bæði spenna og tilhlökkun fyrir nýju skólaári. Það mætti líkja þessu við nýliðakvíða þar sem rúmlega 200 nýnemar hefja nám á hverju hausti, en mér finnst þessi tilfinning góðs viti. Það eru mörg áhugaverð verkefni sem við í MA glímum við á hverjum vetri og ég lít á hvert skólaár sem nýja áskorun, segir Jón Már Héðinsson skólameistari við Menntaskólann á Akureyri.
Jón Már hefur starfað við skólann í 33 ár og gengt stöðu skólameistara síðan árið 2003. Það sem kannski færri vita er að hann þótti afar liðtækur körfuboltamaður á yngri árum og í spjalli við Vikudag segir Jón Már m.a. frá ævintýralegri upplifun sinni gegn Barcelona seint áttundu áratug síðustu aldar.
Fyrst að skólamálum Jón Már. Nýtt skólaár hefst um miðjan mánuðinn og MA er þekktur fyrir miklar hefðir. Er skólinn alltaf í sömu sporunum?
Nei, aftur á móti er hefð fyrir því að búa til nýjar hefðir og leggja niður það sem við erum ekki sátt við. Þannig reynum við að vera lifandi skóli og leggja ný spor reglulega. Við erum gagnrýnin á það sem við gerum hverju sinni og okkur finnst mikilvægt að halda áfram að þróa nýjar hefðir.
Sem skólameistari ertu í miklu sambandi við yngri kynslóðir. Hvernig er að vinna með ungu fólki og hvað gefur það þér?
Það er mjög ánægjulegt og gefandi. Ungt fólk er afskaplega áhugasamt um lífið og tilveruna. Mér finnst nemendur einnig vera áhugasamir um það að starfsfólk skólans sýni þeim áhuga og taki þátt í því sem þeir eru að gera
Mætir á busaböllin
Góð tengsl við nemendur skipta miklu máli og ég tel að starfsfólk MA standi sig vel hvað það varðar, þó alltaf megi gera betur. Til dæmis hef ég aðeins misst af einu busaballi síðan ég hóf störf við skólann.
Spilar körfubolta í frístundum
Ég fékk snemma áhuga á körfubolta og byrjaði að æfa með Herði vestur á Patreksfirði þegar ég var 13 ára. Þegar ég flutti norður til Akureyrar hóf ég að spila með Þór í efstu deild samhliða náminu í MA. Við hittumst nokkrir félagar á föstudögum í Fjósinu, íþróttahúsi MA, og spilum körfubolta."
Þetta er aðeins brot af viðtali við Jón Má sem má nálgast í heild sinni í prentútgáfu Vikudags.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
