Þjóðþrifaverk sem allir njóta
Ætli það sé ekki rétt að endurtaka það sem ég hef sagt oft áður: Vaðlaheiðargöngin eru þjóðþrifaverk sem styrkir byggðina í landinu, gefur atvinnulífinu aukna möguleika og skapar ný tækifæri fyrir fólk.
Það er því sérstakt fagnaðarefni að um helgina skuli forsætisráðherra hleypa af fyrstu formlegu sprengingunni við gerð Vaðlaheiðarganga. Við sem höfum lengi barist fyrir göngum undir Vaðlaheiði sjáum nú að draumurinn er að rætast. Sem bæjarstjóri á Akureyri tók ég þátt í baráttunni fyrir bættum samgöngum ásamt mörgu öðru góðu fólki.
Líkt og oft áður eru ekki allir á eitt sáttir og þeir eru til sem gagnrýna að ráðist skuli í þessa miklu og nauðsynlegu framkvæmd. Þeir voru einnig margir sem höfðu uppi mótbárur gegn Hvalfjarðargöngunum á sínum tíma, en njóta þeirra nú og geta ekki án þeirra verið.
Hið sama mun eiga við um Vaðlaheiðargöng. Vaðlaheiðargöngin eiga eftir að styrkja alla byggð á Norður- og Austurlandi. Samvinna sveitarfélaga mun aukast og þjónusta opinberra aðila batna.
Atvinnulífið eflast og möguleikar fólks verða meiri og fjölbreyttari. Samgöngubætur sem miða að því að stytta vegalengdir og draga úr kostnaði hafa leitt til margvíslegra margfeldisáhrifa sem þjóðin nýtur með beinum og óbeinum hætti. Allir hagnast. Það getur varla talist óskynsamlegt að ráðast í slík verkefni.
Á það hefur ítrekað verið bent að Vaðlaheiðargöng leysa af hólmi einn af fjölfarnari og erfiðari fjallvegum landsins, Víkurskarð, sem ítrekað lokast yfir vetrarmánuðina vegna óveðurs og fannfergis.
Þetta hefur hvað eftir annað komið í ljós í vetur. Þeir sem ekki hafa kynnst því veðravíti sem þar getur orðið, eiga erfitt að skilja af hverju hart hefur verið barist fyrir samgöngubótum.
Vaðlaheiðargöngin eru góður áfangi í samgöngumálum okkar góða kjördæmis en verkefnin eru mörg og brýn. Góðar og greiðar samgöngur eru forsenda þess að byggðin í landinu eigi sér trausta framtíð.
Ég er sannfærður um að Vaðlaheiðargöngin eiga eftir að reynast arðbær og skynsamleg fjárfesting. Við eigum að gleðjast yfir því að framkvæmdir séu hafnar.
Ég óska okkur öllum innilega til hamingju.
Kriwstján Þór Júlíusson, heilbrigðisráðherra.
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.