Lyftistöng fyrir Norðurland
Það er ánægjulegt að fara um Svalbarðsströndina þessa dagana. Af og til rjúfa drunurnar frá sprengingunum kyrrðina í Eyjafirði og minna á að langþráðum áfanga er náð og vinna við Vaðlaheiðargöng er loksins hafin fyrir alvöru.
Það er óhjákvæmilegt að framkvæmdir sem þessar valdi einhverjum óþægindum á meðan þær standa yfir, en sprengidrunurnar venjast og minnka eftir því sem verkinu miðar fram. Jarðrask, umferð vinnuvéla og hraðatakmarkanir og óhreinindi á vegunum í nágrenni við framkvæmdasvæðið munu fljótt gleymast að framkvæmdunum loknum.
Samstaða heimamanna
Þessi tímabundnu áhrif eru líka vel þess virði, því verkefnið skapar fjölda starfa á verktímanum, bæði beint og óbeint, og eykur umsvifin á svæðinu umtalsvert.
Hinna jákvæðu áhrifa jarðgangavinnunar á eftir að gæta mun lengur en þeirra neikvæðu, sérstaklega fyrir þá sem starfa við jarðgangagerðina og geta að verkinu loknu bent á mannvirkið og sagt Þetta gerði ég. Á vissan hátt munum við öll geta bent á þetta tiltekna mannvirki að verki loknu og eignað okkur hlut í afrekinu því samstaða heimamanna hefur átt stóran þátt í að koma verkefninu af stað og verið nauðsynleg í því andstreymi sem gætt hefur í undirbúningi þess.
Göng í stað fjallvegar
Í mínum huga er engum vafa undirorpið að jarðgöngin munu standa undir væntingum og verða mikil lyftistöng fyrir svæðið okkar. Með tilkomu þeirra munu möguleikar íbúa varðandi atvinnusókn aukast og aðgengi að þjónustu batna verulega. Vaxandi straumur ferðamanna gerir einnig kröfur um bætt vegakerfi og aukið öryggi.
Með tilkomu Vaðlaheiðarganga færist umferðin af erfiðum og hættulegum fjallvegi í skjól og öryggi. Þeim dögum sem ófært er á milli Þingeyjarsveitar og Svalbarðsstrandarhrepps mun væntanlega fækka sem og útköllum björgunarsveitarinnar Týs á Svalbarðsströnd til að losa bíla á Víkurskarði. Umferðin um núverandi þjóðveg í Vaðlaheiðinni mun einnig minnka verulega, hlaupurum, hjólreiðafólki, göngufólki og öðru útisvistarfólki til mikillar gleði.
Ég vil að lokum minna þá sem eiga leið um vinnusvæðið við að fara varlega og sýna þeim sem þar vinna og öðrum vegfarendum tillitssemi.
Jón Hrói Finnsson, sveitarstjóri Svalbarðsstrandarhrepps
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.