Greið leið til framfara
Njáll Trausti Friðbertsson
Fyrir um fjórum árum tók ég þá ákvörðun eftir talsverða hvatningu að gefa kost á mér sem bæjarfulltrúarefni fyrir Akureyri. Þá ákvörðun tók ég að vel ígrunduðu máli og sé ekki eftir því enda hafa málefni Akureyrarbæjar verið mér afar hugleikin. Málefni bæjarins höfðu verið mér ofarlega í huga löngu áður en ég tók þá ákvörðun fyrir fjórum árum síðan. Sá áhugi hefur ekki dvínað heldur þvert á móti og því var það ekki erfið ákvörðun að gefa kost á mér í oddvitasæti Sjálfstæðisflokksins fyrir komandi sveitarstjórnarkosningar.
Á yfirstandandi kjörtímabili hef ég verið varabæjarfulltrúi og unnið náið með Ólafi Jónssyni, bæjarfulltrúa og oddvita flokksins hér í bæ. Í haust tilkynnti Ólafur eftir nokkurra ára óeigingjarnt og ötult starf fyrir bæinn að hann myndi ekki óska eftir endurkjöri. Mikil eftirsjá verður af honum eins og öllum góðum mönnum sem ber að þakka fyrir vel unnin störf á vettvangi sveitarstjórnarmála.
Með beinni aðkomu að málefnum Akureyrarbæjar hef ég átt greiðari leið en áður að tala fyrir þeim málefnum sem ég tel mikilvæg fyrir bæinn. Á þessum stutta tíma sem ég hef gegnt sem varabæjarfulltrúi hef ég lagt mikla áherslu á samgöngubætur m.a.:
- Styttingu þjóðvegarins á milli Akureyrar og Reykjavíkur
- Uppbyggingu Akureyrarflugvallar með áherslu á nýtt flughlað
- Millilandaflug um Akureyrarflugvöll
- Vaðlaheiðargöng
- Nýjan Kjalveg
- ...og síðast en ekki síst að tilvist Reykjavíkurflugvallar í Vatnsmýrinni verði tryggð. Það mál hefur verið í forgangi hjá mér síðasta hálfa árið eftir að ég kom að stofnun baráttuhópsins Hjartað í Vatnsmýrinni.
Þessum baráttumálum sem snúa að samgöngubótum vill ég áfram vinna að enda styðja þau við með beinum eða óbeinum hætti brýn hagsmunamál bæjarsins s.s. uppbyggingu atvinnulífsins, ekki síst á sviði ferðaþjónustu.
Þó svo að þessi málefni hafa verið áberandi sem helstu baráttumál mín á yfirstandandi kjörtímabili er ekki svo að ég telji þau brýnni en aðrir málaflokkar. Á næstu vikum mun ég kynna helstu áherslur mínar á sviði félagsmála, menntamála, atvinnumála, öldrunar- og heilbrigðismála sem og þeim málefnum sem snúa að rekstri bæjarins.
Það er tilhlökkunarefni að fá tækifæri til að eiga samtal við kjósendur í komandi kosningum um málefni bæjarsins. Ég mun leggja mig fram við að koma áherslum mínum á framfæri í þessum málaflokkum sem og öðrum á næstu vikum.
Njáll Trausti Friðbertsson.
Njáll Trausti varabæjarfulltrúi Sjálfstæðisflokksins á Akureyri og frambjóðandi í 1. sæti í prófkjöri flokksins.
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.