Litskrúðug og holl heilbrigðisþjónusta
Endurhæfing er orðið. Endurhæfing er sú þjónusta sem efla skal, segir ráðafólk. Endurhæfing.
Mér finnst þetta fallegt orð og fallegt að það skuli taka svo stóran sess í okkar heilbrigðiskerfi sem það og gerir og fallegt að það séu svo margir og fjölbreyttir sérfræðingar um land allt tilbúnir til að bjóða sína þjónustu undir merkjum endurhæfingar. Það er ákveðið stolt falið í því að fara í endurhæfingu, samanber vanmáttinn í því að viðurkenna sig veikan og þiggja þjónustu svo sem innlögn og lyf í skömmtun og sjúkradagpeninga. Betra að geta reist sig við um leið og maður dettur og fá til þess hvatningu og viðeigandi stuðning, jafnvel hafa gaman af því um leið.
En hvað er viðeigandi stuðningur, hvatning, meðferð? Það er ekki það sama fyrir alla.
En hver hefur efni á viðeigandi stuðningi, hvatningu, meðferð? Það hafa ekki allir jafn djúpa vasa.
Á dögunum var skipað í svokallað Endurhæfingarráð heilbrigðisráðuneytis og félags- og vinnumarkaðsráðuneytis sem ætlað er að vera ráðherrum til ráðgjafar í málum tengdum heilbrigðistengdri endurhæfingu. Einnig hafa háskóla-, iðnaðar- og nýsköpunarráðuneytið og heilbrigðisráðuneytið nýlega gefið út að nú verði liðkað til í kerfinu svo fleiri sérfræðingar sem t.a.m. hafa sótt sína menntun erlendis fái starfsleyfi landlæknis og eins að fjölga skuli sjúkraliðum. Nýja lífæðin hlýtur þá að verða fjölbreyttari starfshópur sem sinni endurhæfingarþjónustu og þjónustan þar með vonandi litskrúðugari og ábyrgðin dreifðari. Vinnulega séð hlýtur því að fylgja meiri samheldni en jafnframt meira sjálfstæði hvers og eins starfsmanns. Að vera treyst fyrir eigin sérstöðu…
Það er nefnilega þannig að það þurfa ekki allir það sama og það hafa ekki allir jafn djúpa vasa. Þess vegna óska ég þess heitt að sú kjarnaþjónusta sem boðið er upp á, fyrir þau með grynnstu vasana (og öll hin), fái að vera sem litskrúðugust og hollust. Ég fagna því mikið að rýmka skuli eiga fyrir fjölbreyttari sérfræðingum og fjölbreyttari sérfræðiþjónustu í heilbrigðiskerfi Íslands og ætla mætti að þá og því aðeins með viðurkenningum, styrkjum og starfsleyfum megi tryggja gæði og trausta þjónustu. Litskrúðug og holl endurhæfingarþjónusta – ath. langflestir sem starfsendurhæfingu á Íslandi sækja gera það vegna stoðkerfis- og/eða geðheilbrigðisvanda – ætti að geta sinnt þörfum hins margleita hóps sem hér byggir land; alls konar sálir með alls konar líkama.
Fyrir mér er danshreyfimeðferð vítamínbomba inn í kerfið og vonast ég til þess að geta sýnt fram á það með vinnu minni hérlendis næstu mánuði. Félag danshreyfimeðferðarfræðinga í Evrópu (e. European Association Dance Movement Therapy, EADMT) skilgreinir meðferðina á eftirfarandi hátt: meðferðarvinna með hreyfingu til að styðja við tilfinningalega, hugræna, líkamlega, andlega og félagslega samþættingu einstaklingsins. Grundvöllur meðferðinnar er sá að hugur og líkami séu samverkandi og fær líkamstjáningin höfuðsæti í þessari sálmeðferð og skapandi listmeðferð. Þetta er mikilvæg viðbót við þau úrræði sem þegar bjóðast því stundum fá orð ekki ofsaflækjur leyst.
Við erum öll í líkama sem að einhverju leyti hreyfir sig og byrjuðum öll að hafa afskipti við umhverfið okkar með hreyfingunni einni saman. Hef ég hreyft við þér?
Anna Dúa Kristjánsdóttir M.A. er dans- og hreyfimeðferðarfræðingur og félagi í AkureyrarAkademíunni. Hún er úr þorpinu.
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir