„Geta pabbar ekki grátið?”
Skáld og textahöfundar hafa löngum haft þekkingu á mannlegu eðli. Það kemur fram í ótal kvæðum og dægurlagatextum svo þeim sem vitnað er til í titlinum hér að ofan. Það að gangast við eigin tilfinningum og leyfa þeim að flæða hefur orðið ýmsum yrkisefni, s.s. fjallaskáldinu Kristjáni Jónssyni sem orti á nítjándu öldinni um depurðina og tárið sem „ótal læknar sár“.
Við hér á Íslandi höfum þó líklega ekki átt auðvelt með að sýna tilfinningar og skáldin kannski fengið meira frelsi í þeim efnum en alþýðufólk sem þurfti að bíta á jaxlinn og gat ekki leyft sér að gráta nema kannski í sjaldgæfu einrúmi..
Í árangursdrifnu nútímasamfélagi virðast þessar kröfur um að bæla tilfinningar sínar, enn lifa góðu lífi og sá sem nær tökum á þeirri list er álitinn eiga betri möguleika á árangri. Líklega er þetta þó skæð hugarvilla því frelsið liggur fremur í því að sleppa tökum á tilfinningum okkar og leyfa þeim að vera það sem þær eru.
Við erum öll tilfinningaverur, tilfinningar, skynjun og hugsanir eru fylgifiskar mannlegrar tilveru. Einungis með því að gangast við þeim og skoða með opnum huga getum við forðast að þær taki af okkur stjórnina. Það að vera í sífelldri andstöðu við eigin hugsanir og tilfinningar eða vera á eilífum flótta undan erfiðum upplifunum er ekki mjög hjálplegt. Það skilar okkur mun betri árangri að leggja vopnin niður, leyfa tilfinningunum,- líka þeim óþægilegu að vera með í ferðalaginu og snúa okkur að því að rækta lífsgildi og langvarandi hamingju með hegðun okkar og atferli.
Ofantalið er grunninntakið í ACT (Acceptance and Commitment Therapy) eða sáttar- og atferlismeðferð, ört vaxandi, þverfaglegri meðferðarnálgun sem á sér sífellt traustara fræðilegt bakland. Frá upphafi hefur meðferðin verið notuð og kennd bæði í einstaklingsmeðferð og á hópnámskeiðum hjá Heilsu og sálfræðiþjónustunni sem eitt af öflugum verkfærum í heilsueflingu.
Það er ótrúlega spennandi þegar vísindin leyfa sér að skoða og rannsaka óáþreifanlega hluti eins og hamingju, kærleika og siðferðisleg gildi. Sálfræðingarnir sem þróuðu ACT meðferðina á 9. áratugnum og öll þau sem hafa unnið með hana síðan, hafa verið óhrædd við að rannsaka áhrif þessara fyrirbæra á mannshugann, velferð okkar, heilsu og hamingju. Og þær rannsóknir styðja mikilvægi þess að mæta erfiðu tilfinningunum okkar með sátt en vera ekki í andstöðu við sjálfan sig. Þá þarf ekki lengur að spyrja að því hvort „pabbar geti grátið”.
Það er gott að rækta andlega heilsu á sama hátt og líkamlega heilsu jafnvel þótt sjúkdómar séu ekki til staðar,-kíkja í viðtal til fagaðila, ræða stöðuna, fá fræðslu og stuðning eða fara á námskeið. Við erum öll að klífa sama lífsfjallið, sama hvert útsýnið er, og öllum er okkur hollt að leggja inn á eigin heilsureikning.
Höfundur er hjúkrunarfræðingur og starfar hjá Heilsu og Sálfræðiþjónustunni á Akureyri.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir