Fjölskyldan og umhverfið
Ingibjörg Benediktsdóttir
Ingibjörg Benediktsdóttir skrifar
Fjölskylduvænt samfélag
V-listinn leggur áherslu á fjölskyldu, umhverfi og samfélag. Þegar ég flutti til Húsavíkur í ágúst 2019 var ég með þrjú börn í grunnskóla. Það fyrsta sem ég tók eftir er að tækifærin fyrir börn á grunnskólaaldri til að stunda fjölbreyttar íþróttir og gott félagslíf er til staðar. Skólinn tók vel á móti okkur og börnin urðu strax vinamörg. Ég fann að hér átti okkur eftir að líða vel og hér er svo sannarlega fjölskylduvænt umhverfi. En hvað er fjölskylduvænt umhverfi? Það er samfélag með góðum skóla, blómstrandi félagslífi og góðu íþrótta og tómstundastarfi. Það er samfélag þar sem barnafjölskyldur sækjast í að búa.
Gjaldfrjálsar máltíðir í leikskóla
Við þurfum að hafa grunngildi barnasáttmálans að leiðarljósi þegar við horfum til þess að auka velferð barnafjölskyldna. Því ætlum við hjá V-listanum að gera skólamáltíðir í leikskóla gjaldfrjálsar til að létta undir fjölskyldum leikskólabarna, strax á næsta ári. V-listi hafði frumkvæði að 12 mánaða inntökuviðmiði fyrir leikskólabörn á fyrra kjörtímabili og mun beita sér fyrir því að hnika því viðmiði ekki á kjörtímabilinu. Við viljum áfram tryggja góða leikskólaþjónustu fyrir íbúa dreifðra byggða.
Forvarnir með samfelldum vinnudegi barna
Við leggjum áherslu á forvarnir. Samverustundir foreldra og barna hafa forvarnargildi og viljum við samfelldan vinnudag barna. Þá er skólastarfi, frístundastarfi, listnámi og íþróttaiðkun fléttað inn í vinnudag barna í 1 –4. bekk sem er lokið kl. 16:00 alla virka daga. Við viljum einnig efla ungmennaráð hér í Norðurþingi. Koma ungmennahúsi inn í félagsmiðstöðvar og virkja ungt fólk til þátttöku í stjórnsýslunni. Við viljum koma á fót rafíþróttadeild með það að markmiði að minnka félagslega einangrun barna og ungmenna.
Forgangsröðun fjárfestinga í þágu barna
Starfsumhverfi kennara og nemenda í skólum og á skólalóðum Norðurþings þarf að bæta til muna. Það þarf viðhaldsátak í þágu fjölskyldna og barna, gera verkáætlun og framkvæma hluta á hverju ári þannig að hægt verði að vinna eftir ákveðnu skipulagi í viðhaldi eigna.
Þjónusta við íbúa óháð búsetu
Ég mun beita mér fyrir því að auka þjónustu við íbúa óháð búsetu. Ég þekki vel þá stöðu að búa í brothættri byggð af eigin raun. Það þarf samtal og sveitarstjórnarfólk þarf að vera sýnilegra um allt sveitarfélagið allt kjörtímabilið, ekki eingöngu í aðdraganda kosninga. V-listinn vill almennt að störfum innan stjórnsýslu Norðurþings, sem ekki eru bundin viðfangsefni á einum stað, verði hægt að sinna frá starfsstöðvum á Kópaskeri og Raufarhöfn ásamt Húsavík. Við viljum að hér sé gott að búa, í öllu sveitarfélaginu.
Ingibjörg Benediktsdóttir
Skipar 2. sæti á lista VG og óháðra í Norðurþingi.
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir