Golfklúbbur Akureyrar ,,Nú skal hafist handa"
Það var glatt á hjalla á Jaðri síðdegis í gær þegar um 100 félagsmenn mættu og voru viðstaddir þegar Gísli Bragi Hjartarson, heiðursfélagi GA, tók fyrstu skóflustunguna af viðbyggingu sem mun rísa vestan við klúbbhúsið og hýsa inniaðstöðu GA.
Boðið var upp á kaffi og kruðerí fyrir gesti og eftir að Gísli hafði tekið skóflustunguna á gamla púttgríninu söfnuðust gestir saman inn í skála og Steindór Kristinn, framkvæmdarstjóri, greindi frá verkefnum sumarsins og kynnti verkefnið sem framundan er og sýndi frá stórglæsilegum teikningum af húsinu.
Það er ljóst að viðbyggingin mun styrkja alla innviði Golfklúbbs Akureyrar til muna og mátti sjá á þeim sem lögðu leið sína upp á Jaðar að mikil tilhlökkun er fyrir viðbótinni sem mun rísa.
Hér má sjá glærukynninguna sem Steindór kynnti fyrir gestum.
,,Þetta er virkilega spennandi uppbygging sem margir munu njóta góðs af. Þetta mun gera aðstöðu okkar enn eftirsóknarverðari og sameina allt okkar starf og þjónustu á einum stað. Það er ótrúlega gaman að vinna að þessu fyrir félaga GA og gesti vallarins, eins langar mig að þakka Akureyrarbæ fyrir góðann samning og frábært samstarf. Þessi samningur ber hag beggja aðila og það er alltaf frábært þegar þannig tekst til" Steindór Kr. Ragnarsson
GA og Akureyrarbær gera með sér samning um að sveitarfélagið styrki byggingu viðbyggingar með árlegu framlagi árin 2024 til og með 2028 en um er að ræða 5 verðtryggðar greiðslur upp á 36 milljónir króna, eða samtals 180 milljónir króna að núvirði. GA er framkvæmdaraðili verksins og mun klúbburinn eignast viðbygginguna með sama hætti og aðrar byggingar að Jaðri og mun einnig bera kostnað af rekstri hennar líkt og að öðrum mannvirkjum að Jaðri.
Viðbyggingin verður 540 m2 að stærð og verður innangengt í hana úr golfskálanum í gegnum tengibyggingu. Í viðbyggingunni verða 4 golfhermar ásamt 27 holu pútt- og vippsvæði sem er ríflega tvöfalt stærra en í núverandi aðstöðu. Einnig er gert ráð fyrir geymslusvæði í kjallara fyrir vélar og golfbíla klúbbsins. Framkvæmdir munu hefjast strax nú í haust og gert er ráð fyrir að aðstaðan verði opnuð 2024/5.
Með tilkomu viðbyggingarinnar mun íþróttastarf GA eflast til muna með auknum sveigjanleika í að nýta aðstöðu til æfinga inni og úti allt árið og opnar möguleika á að halda æfingar á Akureyri fyrir landsliðshópa. Gera má ráð fyrir að nýja aðstaðan laði að sér fleiri félaga en núverandi aðstaða í íþróttahöllinni og mun félagsstarf GA eflast við vikið. Auknir möguleikar á viðburðum af ýmsum toga fyrir félaga og aðra gesti. Golfbúðin verður opin allt árið og mun velta í veitingasölu, golfbúð og af golfhermum aukast með betri þjónustu, fjölgun golfherma og lengri opnunartíma.
Nýjast
-
Löngu tímabært að taka þetta samtal
-Segir Huld Hafliðadóttir, einn af stofnendum SVÍVS um Málþing um framtíð Skjálfandaflóa á Húsavík -
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu.
Athugasemdir