Utan vega með Ragnari Hólm
Ragnar Hólm opnar sýningu á nýjum olíumálverkum í Mjólkurbúðinni á Akureyri á morgun laugardag kl 14:00
Laugardaginn 17. október kl. 14 opnar Ragnar Hólm Ragnarsson sýningu á nýjum olíumálverkum í Mjólkurbúðinni á Akureyri. Sýningin verður opin næstu tvær helgar frá kl. 14-17.
Ragnar hefur verið mikilvirkur í vatnslitum á umliðnum árum og stóð meðal annars fyrir afar vel heppnaðri Vatnslitahátíð Íslands um miðjan september hér í bæ. Málverkin sem hann sýnir að þessu sinni eru öll frá þessu ári en Ragnar segir að það sé gjörólíkt að fást við vatnsliti og olíumálverk.
„Já, það er gjörólíkt. Mér finnst best að klára vatnslitamyndir að mestu í einni atrennu en ég gef mér miklu meiri tíma í olíumálverkin. Líklega fara fleiri klukkustundir í að velta þeim fyrir sér, horfa og hugsa, en að ota að þeim penslinum. Maður er lengi að finna rétta taktinn, réttu litina og formin, áður en málverkin koma loks inn til lendingar og setjast, eins og ég orða það gjarnan,“ segir Ragnar um sköpunarferlið.
Sýningin Utan vega er opin laugardaga og sunnudaga frá kl. 14-17 og síðasti sýningardagur er sunnudagurinn 25. október nk.
Nýjast
-
Þingeyjarsveit - Áhyggjur af fyrirhugaðri hækkun virðisaukaskatts
Fyrirhuguð hækkun virðisaukaskatts á baðlón úr 11% í 24% í byrjun árs 2027 hefur vakið áhyggjur innan ferðaþjónustunnar og víðar. Hækkunin er hluti af áformum ríkisstjórnarinnar og gæti haft veruleg áhrif á rekstrarforsendur baðlóna víða um land, þar á meðal Jarðbaðanna við Mývatn. -
Utan vega með Ragnari Hólm
Laugardaginn 17. október kl. 14 opnar Ragnar Hólm Ragnarsson sýningu á nýjum olíumálverkum í Mjólkurbúðinni á Akureyri. Sýningin verður opin næstu tvær helgar frá kl. 14-17. -
Bjartsýni hjá Flugklasanum Air66
„Við erum bjartsýn, komandi vetur lítur vel út og sem dæmi var bókunarstaða í áætlunarflugi easyJet til og frá Akureyri um síðustu mánaðarmót betri en hún var á sama tíma fyrir ári,“ segir Hjalti Þórarinsson verkefnastjóri Flugklasans Air 66. Að mörgu er hugað um þessar mundir, m.a. viðræður við nokkur flugfélög um beint millilandaflug til Akureyrar þar sem spennandi áfangastaðir eru til umræðu. Þá hefur áframhaldandi fjármögnun Flugklasans verið í brennidepli undanfarið, sveitarfélög á Norðurlandi hafa flest ákveðið að taka þátt en beðið er eftir viðbrögðum frá ríkinu. -
Norðlensk hönnun og handverk í Hlíðarbæ
Norðlensk hönnun og handverk stendur fyrir sýningu nú um komandi helgi, dagana 17. – 18. október. Sýningin er í Hlíðarbæ og er opin báða dagana frá kl. 11 til 17. -
Miðgarður vígður – yngsti og elsti nemandinn klipptu á borðann
Nýtt hús frístundar og félagsmiðstöðvar við Borgarhólsskóla á Húsavík var vígt í dag, 15. október. -
Sumarið gott hjá Golfklúbbi Akureyrar
„Sumarið gekk mjög vel, það varð þónokkur aukning í spiluðum hringjum þegar er skoðað meðaltal á dag, þannig að enn eitt aðsóknarmetið er fallið hvað það varðar,“ segir Steindór Ragnarsson framkvæmdastjóri Golfklúbbs Akureyrar. Jaðarsvöllur er enn opinn og kylfingar á ferðinni á vellinum. -
Þórhalla Sigurðardóttir hlaut hvatningarstyrk Vísindaráðs SAk
Á Vísindadegi SAk afhenti Vísindaráð hvatningarstyrk ársins til Þórhöllu Sigurðardóttur fyrir framúrskarandi vinnu við doktorsverkefni hennar. -
Öðruvísi grín í FramtÝð Íslands
FramtÝð Íslands er heiti á sýningu sem verður á Múlabergi, Akureyri annað kvöld, föstudagskvöldið 16. október klukkan 20. -
Endurhæfum Kristnes
Nýlega var kjördæmavika og við þingmenn Norðausturkjördæmis ferðuðumst saman um kjördæmið, hittum sveitarstjórnarfólk, fyrirtæki, forstöðumenn hinna ýmsu stofnana og áttum mörg góð samtöl um þau verkefni sem helst brenna á íbúum. Einn af rauðu þráðunum í þessum samtölum, sérstaklega á Norðurlandi eystra, var staðan á Kristnesi. Skilaboðin voru skýr. Það bráðvantar framtíðarsýn fyrir endurhæfingarþjónustuna og það þarf að taka ákvarðanir.
