Tæplega 14% hækkun á flugfargjöldum innanlands milli mánaða
Frá Egilsstaðaflugvelli Mynd Austurfrétt
Tæplega 14% hækkun varð á flugfargjöldum innanlands frá apríl fram í maí í ár. Á sama tíma lækka fargjöld í millilandaflugi. Fargjöldin innanlands hafa hækkað um 50% síðan Loftbrúin kom til sögunnar í september 2020.
Þetta má lesa út úr vísitölum Hagstofu Íslands sem FF7 greindi fyrst frá. Flugfargjöld, bæði innanlands og til útlanda, eru hluti af undirvísitölum neysluverðs.
Miðað við það eru flugfargjöld innanlands sögulega há en vísitala þeirra í maí var 199,5 stig. Miðað við tímabilið frá í janúar árið 2008, þegar núverandi grunnur að henni var gerður með töluna 100 sem viðmið, hefur vísitalan þrisvar sinnum mælst hærri: í apríl 2014 og síðan júní og febrúar 2015. Hæst varð hún 206,7 stig í apríl 2014.
Undanfarið ár hefur vísitalan verið í kringum 170 stig, en tekur nú stökk frá því hún var 175,4 stig í apríl. Þetta þýðir að innanlandsflug hefur hækkað um 13,7% milli mánaða. Gögnin sýna einnig fram á rúmlega 50% hækkun frá því að Loftbrú, opinber niðurgreiðsla á innanlandsflugi, kom til sögunnar í september 2020. Rétt er að hafa í huga að flugfargjöld, þó sérstaklega til útlanda, voru þá í sögulegu lágmarki vegna Covid-faraldursins. Um 50% hækkun er því líka á millilandafluginu síðan.
Á móti hefur vísitala flugs til útlanda haldist á svipuðu reiki eða lækkað undanfarin misseri. Hún var 143,3 stig í maí en 144,9 stig í apríl sem er lækkun um 1%. Þá er vísitala millilandaflugs um 5% lægri en hún var í maí í fyrra en í innanlandsfluginu er hún 14,7% hærri. Vísitala millilandaflugs er nær alltaf hæst í júlí.
Hvernig er vísitalan fundin?
Hjá Hagstofunni fengust þær upplýsingar að vísitala flugs til útlanda sé fengin út frá verði nokkurra flugfélaga til fjölsóttustu áfangastaðanna í Evrópu og Bandaríkjunum. Mælt er ódýrasta verð, án nokkurrar aukaþjónustu, svo sem farangurs.
Tekið er verð fyrir flugferðir yfir heila viku með mismunandi fyrirvara; tvær vikur, fjórar vikur og átta vikur fram í tímann. Meiri fyrirvari vegur þyngra í útreikningunum þar sem líklegra er að utanlandsferðir séu bókaðar með fjögurra eða átta vikna fyrirvara heldur en tveggja vikna.
Vísitala innanlandsflugs er reiknuð á svipaðan máta, nema að vinsælustu áfangastaðirnir eru Ísafjörður, Akureyri og Egilsstaðir. Þar eru bókunarfyrirvararnir aðeins tveir, ein vika og fjórar vikur. Lengri fyrirvarinn hefur meira vægi við útreikning vísitölunnar.
Verðin koma til útreiknings í þeim mánuði sem ferð er farin, sem þýðir að verð fyrir maí til útlanda hafa verið sótt í mars, apríl og maí meðan tölur innanlandsflugsins eru frá því í maí og apríl.
Þessi grein birtist fyrst á vef Austurfréttar en er birt hér með fullu samþykki höfundar.
Nýjast
-
Tvö glæsileg brautarmet í Botnvatnshlaupi Landsbankans
Alls tóku 80 manns þátt í ár sem er með því albesta sem gerst hefur -
Skemmtileg útivera á sumrin
Sumaropnun í Hlíðarfjalli hófst á fimmtudaginn í síðustu viku og er stefnt að opnun til 8. september ef aðstæður leyfa. -
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið.
Athugasemdir