Friðar og samstöðustund með íbúum á Gasa á Ráðhústorgi i dag
Á þessari mynd er ung stúlka búsett á Gaza, hún teiknaði og litaði þessa fallegu mynd og sendi skipuleggjendum .
Í dag kl 16:15 verður á Ráðhústorgi á Akurreyri friðar og samstöðustund með íbúum á Gasa. Það eru frænkur tvær sem fyrir þessum viðburði standa en þær eiga afmæli í dag og vilja láta gott af sér leiða í tilefni dagsins.
DAGSKRÁ:
KRISTÍN S. BJARNADÓTTIR
-kynnir nýstofnaða Vonarbrú, - almannaheillafélag með starfsemi yfir landamæri.
Markmið Vonarbrúar er að styrkja þær rúmlega 60 fjölskyldur sem við frænkur og mörg fleiri höfum verið að styrkja óformlega.
- Ef vel safnast standa vonir til að hægt verði að veita fleiri fjölskyldum á Gasa staka styrki.
-Það er einnig markmið Vonarbrúar að veita sálrænan og félagslegan stuðning frá Íslandi til fólks á Gasa, rjúfa einangrun og efla vináttu. Hvernig getum við best hjálpað?
ODDNÝ BJÖRG RAFNSDÓTTIR
- gefandi reynsla af því að vera í persónulegu sambandi við fólk á Gasa
Okkar ástkæri SVAVAR KNÚTUR tekur lagið fyrir okkur og með okkur.
HAMZA ABUKAMLEH dansari og leikari sýnir og stýrir Dabke dansi, frjáls þátttaka.
Frjáls framlög og söluborð til styrktar Vonarbrú:
- Glænýr lakkrís frá Góu!
- Handverk, vörur frá Blúndum og blómum o.fl.
Kæru þið öll, sýnum samstöðu með Palestínu, hittumst í lok vinnuviku og fáum styrk og innblástur hvert frá öðru, til góðra verka.
Þetta segir í tilkynningu frá skipuleggjendum.
Nýjast
-
„Við erum óendanlega þakklát fyrir þessi ár“
„Þetta hafa verið ótrúlega viðburðarík skemmtileg og góð ár sem vissulega hefur verið gríðarlega mikil vinna,“ segja þau Ingibjörg Stella Bjarnadóttir og Erik Jensen, eigendur B. Jensen. Nú standa þau á tímamótum, þar sem þau hafa selt fyrirtækið til Kjarnafæðis Norðlenska, sem er í eigu Kaupfélags Skagfirðinga. Það hefur tekið við rekstri fyrirtækisins: sláturhúsi, kjötvinnslu og versluninni við Lónsbakka, þar sem allur reksturinn hefur alltaf verið til húsa. -
Rúnar Steingrímsson og Ragnar Sverrisson kjörnir heiðursfélagar Þórs
Íþróttafélagið Þór varð 110 ára á dögunum og í tilefni þess var boðið í samsætis i Hamri félagsheimili Þórsara. Við það tilefni voru tveir eðal Þórsarar, þeir Rúnar Steingrímsson og Ragnar Sverrisson útnefndir sem heiðursfélagar. Við sama tilefni var fjöldi Þórsara sæmdur gull-, silfur- og bronsmerki félagsins. -
Réttlæti næst ekki með ranglæti
Í umræðum á Alþingi spurði ég hæstvirtan dómsmálaráðherra, Þorbjörgu Sigríði Gunnlaugsdóttur einfaldrar, en mikilvægrar spurningar: Telur hún sem dómsmálaráðherra að það standist stjórnarskrá að skerða áunnin réttindi tugþúsunda sjóðfélaga í lífeyrissjóðum? Þetta eru réttindi sem fólk hefur unnið sér inn með áratugalangri þátttöku í atvinnulífinu – réttindi sem njóta verndar samkvæmt 72. gr. stjórnarskrárinnar. -
Friðar og samstöðustund með íbúum á Gasa á Ráðhústorgi i dag
Í dag kl 16:15 verður á Ráðhústorgi á Akurreyri friðar og samstöðustund með íbúum á Gasa. Það eru frænkur tvær sem fyrir þessum viðburði standa en þær eiga afmæli í dag og vilja láta gott af sér leiða í tilefni dagsins. -
Mitt á milli nálægðar og endalausrar fjarlægðar
Listaverkið Mitt á milli nálægðar og endalausrar fjarlægðar eftir Kristinn E. Hrafnsson hefur verið hreinsað og lagað en verkið hefur staðið við inngang fiskvinnsluhúss Útgerðarfélags Akureyringa í þrjátíu ár og var farið að láta á sjá. -
Súlur 2025 eru komnar út
Ársrit Sögufélags Eyfirðinga er komið út og færir alls 12 greinar er varða ýmist fortíð eða nútíð. -
Skemmtileg hefð
Þann 10. júní síðastliðinn komu skemmtiferðaskipin Emerald Princess (Princess Cruises) og Viking Vela (Viking Ocean Cruises) í sínar fyrstu heimsóknir til Akureyrar. -
Bíladagar eru að hefjast á Akureyri
Bíladagar á Akureyri hefjast á morgun, föstudaginn 13. júní. Öll formleg dagskrá fer fram á aksturssvæði Bílaklúbbs Akureyrar við Hlíðarfjallsveg, fyrir utan bílasýninguna 17. júní í Boganum. -
Fundað með forsætisráðherra um stöðu Norðurlands eystra
Sveitarstjórar sveitarfélaga innan SSNE og framkvæmdastjóri samtakanna áttu í morgun fund með Kristrúnu Frostadóttur forsætisráðherra, þar sem þau lýstu áhyggjum af stöðu flutningskerfis raforku á svæðinu. Fundurinn var haldinn að frumvæði sveitarfélaganna sem vilja tryggja að raforkuinnviðir hamli ekki áframhaldandi atvinnuuppbyggingu á Norðurlandi eystra.
