Orkester Norden heldur tónleika í Hofi
Sinfóníuhljómsveitin Orkester Norden heldur tónleika í menningarhúsinu Hofi á Akureyri 25. júlí næstkomandi
Sinfóníuhljómsveitin Orkester Norden heldur tónleika í menningarhúsinu Hofi á Akureyri 25. júlí næstkomandi og hefjast þeir klukkan 16. Allir eru velkomnir, engin aðgangseyrir en tekið er við frjálsum framlögum.
Tónlistarfólkið í Orkester Norden kom til landsins s.l. fimmtudag og verður í æfingabúðum á Akureyri dagana 16. til 28. júlí næstkomandi en þetta er í fyrsta sinn sem Ísland er gestgjafi. Lionshreyfingin tekur þátt mörgum norrænum samstarfsverkefnum og er Orkester Norden eitt þeirra. Hljómsveitin var formlega stofnuð árið 1993, en verkefnið snýst um að sameina ungt fólk í tónlist með því að æfa og leika í sinfóníuhljómsveit í hæsta gæðaflokkil
Fjörið hófst hjá hópnum s.l. föstudag með æfingum sem standa yfir þar til ON býður upp á tónleika í Hofi 25. Júlí kl. 16. Seinni tónleikarhljómsveitarinnar verða í Eldborg í Hörpu 27.júlí kl. 19:30 og upplagt fyrir þá sem ekki geta sótt tónleika á Akureyri að skella sér þangað.
Leika hér og þar um bæinn
Hljómsveitin verður með opinn dag í dag 20. júlí og spilar þá í smærri hópum hér og þar um bæinn. „Þegar eru nokkrir staðir ákveðnir en kannski hægt að bæta við fleirum.,“segir Anna Fr Blöndal fyrrverandi fjölumdæmisstjóri Lions á Íslandi sem staðið hefur í stafni þegar kemur að undirbúningi þessa verkefni.
„Kastið á þau kveðju eða brosið a.m.k. til þeirra ef þið mætið þeim í bolunum sínum sem merktir eru Orkester Norden, ÍSLAND 2026.“
Viðburðirnir eru auglýstir á fébókarsíðu Lions á Íslandi.
Nýjast
-
Landsmót skáta sett i kvöld
Landsmót skáta verður sett að Hömrum á Akureyri í kvöld. Um 2.000 skátar víðs vegar að af landinu taka þátt í mótinu auk skáta frá 10 öðrum löndum. -
Ein með Öllu 2026 - Fjölskylduhátíð
Verslunarmannahelgin á Akureyri verður helgi þar sem fjölskyldur, vinahópar og gestir alls staðar af af landinu koma saman þegar fjölskylduhátíðin Ein með Öllu fer fram dagana 30. júlí til 3. ágúst n.k. -
Árlegt Kvennakvöld Þórs og KA safnaði 5,6 milljónum til eflingar á kvennaíþróttum
Árlegt Kvennakvöld Þórs og KA 2026 var haldið með frábærri þátttöku og einstökum stuðningi frá samfélaginu. Við erum stolt af því að tilkynna að samtals safnaðist 5,6 milljónir, hver deild fær því 1.400.000. -
Markmiðið er að fólk geti búið heima eins lengi og mögulegt er
Nýtt endurhæfingarteymi HSN styður fólk til aukins sjálfstæðis -
Orkester Norden heldur tónleika í Hofi
Sinfóníuhljómsveitin Orkester Norden heldur tónleika í menningarhúsinu Hofi á Akureyri 25. júlí næstkomandi og hefjast þeir klukkan 16. Allir eru velkomnir, engin aðgangseyrir en tekið er við frjálsum framlögum. -
Lokaorðið - Bollaleggingar um umburðarlyndi
Síðustu vikur hér á Akureyri hafa verið frábærar. Bærinn okkar fyllist af fólki sem er vel. Að vísu fyllist bærinn alltaf af fólki um hverja helgi á sumrin og jafnvel yfir dimmasta tíma ársins er bærinn okkar fullur af fólki. Hver ætli sé ástæðan fyrir því að fólk vilji koma til okkar? -
Styðja við bakið á Tónlistarfélagi Húsavíkur
Stéttarfélögin, Þingiðn, Framsýn og Starfsmannafélag Húsavíkur hafa ákveðið að styðja við bakið á Tónlistarfélagi Húsavíkur sem er nýstofnað óhagnaðardrifið félag og hefur að markmiði að efla tónlistarlíf og menningu í sveitarfélaginu Norðurþingi. -
Akureyringurinn Kolbrún María Bragadóttir lauk námi frá NYU
„Það er kannski ekki alltaf gott veður á Íslandi, en þegar sólin lætur sjá sig finnst mér enginn staður betri en Akureyri,” segir Kolbrún María Bragadóttir sem ólst upp þar í bæ. Hún lauk meistaranámi í tæknilegri stjórnun frá verkfræðideild Tandon við New York háskóla í vor. Þar lagði hún áherslu á Nýsköpun og tæknilega vöruhönnun í námi sínu. Kolbrún María er stúdent frá Menntaskólanum á Akureyri og lauk iðnaðarverkfræði frá Háskóla Íslands árið 2021. Meðfram námi átti handboltinn hug hennar allan, en hún lék á sínum uppvaxtarárum með KA/Þór og hafði mjög gaman af íþróttinni. -
Fuglarnir í Hrísey vakna til lífsins í bútasaumi
„Þetta er stórt skref fyrir mig — að fara út fyrir þægindarammann og bjóða fólki heim í fuglaparadísina okkar. Mig langar að sýna að bútasaumur er listform sem á erindi við alla.“segir Dröfn Teitsdóttir sem opnar fyrstu einkasýningu sína nú um helgina að Hólabraut 4 í Hrísey.
