Háskólinn á Akureyri eykur nemendafjölda í hjúkrunarfræði
„Áskorunin felst í takmörkunum á klínískum námsplássum en finna þarf nýjar leiðir til að finna lausn á takmarkandi þáttum við kennslu hjúkrunarnema,“ segir Eydís Kr. Sveinbjarnardóttir, forseti heilbrigðisvísindasviðs HA.
Heilbrigðisvísindasvið Háskólans á Akureyri vill fjölga brautskráðum hjúkrunarfræðingum við skólann. Á síðasta skólaári, 2015–2016, brautskráðust 53 hjúkrunarfræðingar frá hjúkrunarfræðideild HA og 58 hjúkrunarfræðingar frá hjúkrunarfræðideild HÍ. Ljóst er að það er ekki nægjanleg nýliðun til að takast á við þann skort á hjúkrunarfræðingum sem blasir við í heilbrigðiskerfi landsmanna. Í mannekluskýrslu Félags Íslenskra hjúkrunarfræðinga frá 2007 var áætlað að útskrifa þyrfti a.m.k. 145 hjúkrunarfræðinga á ári. Tekist hefur að útskrifa að meðaltali 80% af þessum fjölda á undanförnum sex árum frá HA og HÍ.
Háskólaráð Háskólans á Akureyri samþykkti í vor að fjölga þeim sem fara í gegnum samkeppnispróf við hjúkrunarfræðideild úr 50 í 55. Í haust byrjaði 131 nemandi á fyrsta ári hjúkrunarfræði við HA og þeir munu þreyta samkeppnispróf til að komast áfram upp á vormisseri 2017. Í haust var jafnframt byrjað að kenna og starfa eftir nýrri námskrá í hjúkrunarfræði við HA. Námskráin hefur m.a. verið stytt og aðlöguð klínísku námi í sérgreinum hjúkrunar þar sem erfiðast hefur verið að koma hjúkrunarnemum í klínískt nám á heilbrigðisstofnunum. Eydís Kr. Sveinbjarnardóttir, forseti heilbrigðisvísindasviðs HA, er sammála því að áskorunin við að fjölga hjúkrunarfræðinemum við háskólana felst í takmörkunum á fjölda klínískra plássa. Einnig þarf að efla gæði kennslunnar og námsins sem þar fer fram. Færni- og herminám þarf að styrkja enn frekar ásamt því að hægt þarf að vera að nota tæknina enn frekar í klínísku námi; við erum t.d. ekki farin að nota að neinu marki tækni í sýndarveruleika til að kenna klíníska hjúkrun. Hjúkrunarfræðingar sem vinna hjá undirmönnuðum heilbrigðisstofnunum þar sem álagið er mikið finnst það vera byrði að taka á móti hjúkrunarnemum án þess að fá fjárhagslega umbun fyrir. Skoða þarf allar leiðir til að hægt sé að fjölga hjúkrunarfræðingum en skortur á hjúkrunarfræðingum einskorðast ekki við höfuðborgarsvæðið og Landspítala.
Forseti heilbrigðisvísindasviðs og deildarformaður hjúkrunarfræðideildar HA fóru á fund heilbrigðisráðherra í ágúst sl. vegna áhuga skólans á að fjölga brautskráðum hjúkrunarfræðingum til að koma á móts við þann mikla skort á hjúkrunarfræðingum sem er framundan í íslensku heilbrigðiskerfi. Þar kom fram að ráðherrar mennta- og heilbrigðismála ætluðu að stofna vinnuhóp til að skoða hvernig hægt væri að fjölga hjúkrunarfræðingum. Nýjar leiðir þarf að fara í að finna lausn á takmarkandi þáttum við kennslu hjúkrunarnema.
Eyjólfur Guðmundsson, rektor HA, segir það vel koma til greina að HA taki að sér enn fleiri nemendaígildi að því gefnu að skipulag klíníska námsins verði endurhugsað. Heilbrigðisvísindasvið Háskólans á Akureyri er meira en tilbúið til að taka þátt í þeirri vinnu og nýsköpun.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
