Skammarstrik í Freyvangi
Ofvirki drengurinn Emil í Kattholti sýnir vel hvernig sveitin í gamla daga tók á orkuboltum sem höfðu meiri orku en einbeitni. Í sveitinni var nóg að gera. Að tálga spýtukarla var trúlega betra en þurfa að sitja kyrr í skólastofu. Nú fá ofvirkir pillur en ekki útrás. Sýning Freyvangsleikhússins á sögum af Emil í Kattholti tekur ekki beinlínis á þessu efni. Þetta verk eftir Astrid Lindgren er öðrum þræði skemmtisaga en hún er líka um leið hugleiðing um afbrigðið í mannheimi sem litið er hornauga, ólátabelginn góðhjartaða.
Ný leikgerð
Saga Jónsdóttir leikstjóri og leikhópurinn í Freyvangsleikhúsinu leggja megináherslu á gamanleikinn og ærslin. Frumflutt er hérlendis ný leikggerð eftir Anders Baggesen og Sören Dahl. Tónlist er að mestu eftir Sören Dahl en einnig heyrast sígild Emilslög eftir Georg Riedel. Sýningin er fyrst og fremst fjölskyldusýning og í stórum dráttum vel heppnuð. Skýrt kemur fram að ástvinum Emils þykir vænt um Emil eins og hann er. Pabbi Emils er miklu meinleyislegri en við erum vön og tök hans á Emil öllu linari. Og strákapör Emils eru líka hóflegri. Sterkt er vissulega atriðið þar sem boðist er til að safna fé til að senda Emil til Ameríku og losna þannig við hann en það væri mun sterkara ef togstreita þeirra feðga væri meiri í sýningunni.
Leikararnir standa sig vel og frammistaða þeirra er nokkuð jöfn. Mest mæðir auðvitað á Emil og foreldrum hans ásamt vinnukonunni Línu og Alfreð vinnumanni. Þáttur Línu og Alfreðs er óvenjustór í þessari sýningu. Erla Ruth Möller leikur Línu nokkuð eftirminnilega og sýnir oft góða takta en eftirminnilegust eru þau Sigurður Bogi Ólafsson í hlutverki Emils og Steingerður Snorradóttir sem leikur Ídu. Svo ung sem Steingerður er fannst mér hún sýna mikla yfirvegun. hún fór mjög skýrt með textann og söng eins og engill. Enginn frumsýningarskrekkur þar. Sigurður Bogi er líka góður í hlutverki Emils en skammarstrikin hans hefðu mátt vera enn meira krassandi í uppsetningunni.
Fullu hænurnar snilld
Leikmynd er haganlega gerð og fyrir bregður mjög vel unnum leikhúsbrellum. Hæst ber þar atriðið þegar Emil gefur grísnum og hænunum gerjuðu kirsuberin. Það er geysilega vel útfært í leikgerðinni og beinlínis fyndið, sérstaklega hænurnar. Búningar eru vandaðir og sannfærandi, gefa ásamt leikmyndinni þennan gamla sænska sveitaanda sem við tengjum við Emil og margar aðrar sögur eftir Astrid Lindgren. En í því umhverfi fannst mér reyndar orðið ókei ekki alveg eiga heima.
Ef til vill má kenna það frumsýningarstreitu en mér fannst vanta örlítið meiri ró og yfirvegun í verkið allt og sumir leikaranna töluðu á köflum óþarflega hratt. Sýningin líður nokkuð fyrir þennan hraða. Farið er hratt yfir sögu og ef til vill hefði mátt fækka atriðunum og nostra betur við þau sem eftir stæðu. Á köflum var svolítið eins og verið væri að drífa hlutina áfram sem kannski má skrifa á frumsýningarstreitu líka. Á móti kemur að hröð atburðarásin gerir að verkum að engum leiðist eina mínútu.
Tónlistin góð
Sýning Freyvangsleikhússins á ævintýrum Emils í Kattholti er hin besta skemmtun. Mikið er í hana lagt, allt vel æft, tónlistinni gert hátt undir höfði undir stjórn Lindu Guðmundsdóttur tónlistarstjóra, mikill söngur og lifandi hljómsveit sem gefur góða stemmningu. Uppselt er á nokkrar fyrstu sýningarnar nú þegar og greinilegt að Freyvangsleikhúsið hefur slegið í gegn enn eina ferðina.
Pétur Halldórsson.
Nýjast
-
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027.
