Af strjálum baðferðum Erlendar í Ólafsgerði
Guðmundur G. Halldórsson. Mynd: JS
Sagnamaðurinn Guðmundur G. Halldórsson frá Kvíslarhóli á Tjörnesi, kemur víða við í bók sinni Úr koppalogni í hvirfilbyl. Meðal annars segir hann sögur af eftirminnilegum mönnum og einn þeirra er Erlendur Stefánsson í Ólafsgerði í Kelduhverfi, sem Guðmundur segir hafa verið búinn margháttuðum hæfileikum í æsku, ekki síst á tónlistarsviðinu. En á seinni árum Erlendar fór að halla undan fæti eins og ýmsar sögur herma. Og svo greinir Guðmundur frá:
Erlendur þótti ekki tiltakanlega pjattaður um dagana svo sem oft mátti sjá og ekki síður finna. Eitt sinn sem oftar kom hann á bæ og var spurður hvað langt væri síðan hann hefði farið í bað. „Ein tuttugu ár,“ var svarið. En svo kom hik á Erlend og hann bætti við: „Þetta er nú eiginlega ekki alveg rétt hjá mér, því ég varð einu sinni holdvotur í göngum - og síðan eru ekki liðin nema sautján ár.“ JS
Nýjast
-
Þriðji maðurinn í Mjólkursamlagi KÞ
Þessi saga er enn ein „Sönn Þingeysk lygasagan.“ -
Þegar sýslumaður Þingeyinga þótti mun Klepptækari en doktorinn
Hér er enn ein „sönn Þingeysk lygasaga.“ -
Dusilmenni hent út af vinsemd og virðingu
Enn ein ein sanna þingeyska lygasagan. Og hér segir frá því hvernig á að losna við leiðinlega kvöldgesti með sjentilmennsku og af skynsamlegu viti. -
Seljum skotleyfi á helvítis bakpokalýðinn!
Það þarf að huga að forgangsröðun í ferðamennskunni. -
Kinnfiskaræktun á kaupfélagsfundi
Hér segir frá heimspekilegum vangaveltum um skeggsöfnun innan Kaupfélags Þingeyinga. -
Ekið á plastpoka sýslumanns Þingeyinga!
Umferðaróhöppin gera ekki boð á undan sér – og þar eru allir jafnir. -
AIDS grasseraði ekki um borð í togaranum Kolbeinsey!
Það þarf að gefa gaum að því að börn geta misskilið fréttir hrapalega. -
Með öllu óvelkomið ákavíti á Húsavík!
Gjafir eru oft misvel heppnaðar og meðteknar. -
Lauslæti í Færeyjum: Kvöldarvíf konufólkarefs
Gígalóa er víða að finna og undir ýmsum nöfnum.
Athugasemdir