Therapy - rafrænt lyfjafyrirmælakerfi tekið í notkun á bráðamóttöku
Áfanganum var skiljanlega fagnað á bráðamóttökunni með góðum kaffitíma Mynd SAk
Búið er að gangsetja rafrænt lyfjafyrirmæla- og lyfjaskráningarkerfi, Therapy, á bráðamóttöku Sjúkrahússins á Akureyri (BMT). Tilgangur þess er að bæta lyfjaöryggi sjúklinga og gera lyfjaskráningu skilvirkari þannig að lyf ávísuð í Therapy fylgi sjúklingi, óháð deildinni sem hann er á. Þessum áfanga var skiljanlega fagnað á bráðamóttökunni í með góðum kaffitíma.
Bætt öryggi og betri yfirsýn
Með tilkomu Therapy verða lyfjafyrirmæli og lyfjagjafir skráð rafrænt við komu sjúklings á BMT. Þetta tryggir að upplýsingar um lyfjameðferð fylgi sjúklingi milli deilda og séu aðgengilegar við innlögn, sem eykur verulega öryggi og dregur úr líkum á tvíverknaði og mistökum.
Samvinna margra fagaðila
Verkefnið var unnið í nánu og þverfaglegu samstarfi. Verkefnisstjóri var Jóna Valdís Ólafsdóttir, deildarstjóri lyfjaþjónustu, og í vinnuhópnum voru Íris Gunnarsdóttir lyfjafræðingur, Luciana Clara Paun sérfræðingur upplýsingatæknideildar, Ármann Jónsson bráðalæknir, Elísabet Björgvinsdóttir, forstöðulæknir bæklunar- og bráðalækninga, Kristín Ó. Ragnarsdóttir deildarstjóri BMT, Kristín Hrönn Reynisdóttir aðstoðardeildarstjóri BMT, Valdís Ösp Jónsdóttir hjúkrunarfræðingur á BMT og Bergþór Steinn Jónsson, bráðalæknir.
Unnið var í góðu samstarfi við hugbúnaðarfyrirtækin Helix og Þulu sem komu að tæknilegum þáttum verkefnisins.
„Þetta er stór áfangi í stafrænum umbótum sjúkrahússins og mun bæði auka lyfjaöryggi sjúklinga og einfalda vinnu starfsfólks,“ segir Jóna Valdís. Deildarstjóri bráðamóttökunnar, Kristín Ó. Ragnarsdóttir segir innleiðinguna ákaflega jákvæða „Þetta er mjög jákvætt skref fyrir okkur á Bráðamóttökunni og í takt við nútímakröfur að ávísa ekki lengur lyfjum á pappír.“ Samhliða innleiðingu á Therapy var birgðastýring með Alfa hugbúnaðarlausn innleidd á Bráðamóttöku en Alfa heldur utan um magn lyfja sem til eru á deildinni og gerir sjálfvirkar lyfjapantanir eftir þörfum.
Síðasta skrefið við samþættingu er framundan
Fram undan er síðasta skrefið í rafrænni heildarlausn, en nýtt samþættingartól milli Therapy og Sögu er í smíðum. Þar til það verður tilbúið á fyrri hluta árs 2026 verður skráning sjúklinga inn og út úr Therapy á BMT framkvæmd handvirkt. Með tilkomu nýja tólsins verður þessi skráning sjálfvirk og ferlið að fullu rafrænt.
Heimasíða SAk sagði frá
Nýjast
-
Yfir 100 viðburðir á ári
Í Háskólanum á Akureyri eru yfir hundrað viðburðir á ári hverju. Þeir eru fjölbreyttir og eru í formi ráðstefna, opinna daga, brautskráninga og málþinga svo eitthvað sé nefnt. -
Therapy - rafrænt lyfjafyrirmælakerfi tekið í notkun á bráðamóttöku
Búið er að gangsetja rafrænt lyfjafyrirmæla- og lyfjaskráningarkerfi, Therapy, á bráðamóttöku Sjúkrahússins á Akureyri (BMT). Tilgangur þess er að bæta lyfjaöryggi sjúklinga og gera lyfjaskráningu skilvirkari þannig að lyf ávísuð í Therapy fylgi sjúklingi, óháð deildinni sem hann er á. Þessum áfanga var skiljanlega fagnað á bráðamóttökunni í með góðum kaffitíma. -
Samningur um land undir sleðabraut
Umhverfis-og mannvirkjaráð Akureyrar hefur samþykkt fyrir sitt leyti samning sem lagður var fram á fundi ráðsins á dögunum um afnot af landi til reksturs sleðabrautar á milli Hlíðarfjalls og Hálanda. -
Opið bréf til heilbrigðisráðherra: Brýn þörf á heildstæðum lausnum fyrir heilbrigðisþjónustu á Norðurlandi
Vandinn sem blasir við á Sjúkrahúsinu á Akureyri (SAk) og í heilbrigðisþjónustu á Norðurlandi er flókinn og margþættur. Í grunninn má þó rekja nær allan vandann til skorts á starfsfólki til að sinna þjónustunni. -
Sönghópurinn Sálubót með tónleika í Þorgeirskirkju annað kvöld
Sönghópurinn Sálubót verður með sína árlegu Jóla-og smákökutónleika annað kvöld 9. des í Þorgeirskirkju og hefjast þeir kl 20:00. -
Lilja Gísladóttir hefur gefið blóð í fimmtíu skipti
„Mér líður alltaf vel eftir blóðgjöf, er bara hress og kát,“ segir Lilja Gísladóttir sem gaf blóð hjá Blóðbankanum á Glerártorgi í 50. sinn nýverið. Lilja hefur reglulega gefið blóð undanfarin ár. Hún fagnaði sextugsafmæli sínu á fullveldisdaginn, 1. desember síðastliðinn og hefur góð markmið varðandi blóðgjafir til framtíðar litið. -
Mjá
Sú sem þetta skrifar hefur búið í fjölbýli síðasta rúmlega áratuginn. Þar hefur gilt sú regla sem víðast hvar gildir í fjölbýlishúsum að allt dýrahald var bannað. Sú staða kom til dæmis upp að fólk sem keypt hafði íbúð í húsinu og átti “fullorðinn” hund, sá sig knúið til að selja strax aftur þar sem leyfi fékkst ekki til að halda hundinn þar til hans dagar yrðu taldir. -
Skoða sameiningu hafnasjóða
Samið hefur verið við HLH ráðgjöf um að skoða ýmsa þætti er varða möguleika á inngöngu Hafnasjóðs Dalvíkurbyggðar í Hafnasamlag Norðurlands. Fyrrnefndi sjóðurinn hefur lagt fram ósk um sameiningu eða samvinnu sjóðanna. -
Bráðum koma blessuð jólin - Gluggasýning í Hafnarstræti 88
JÓLAGLUGGINN í vinnustofu Brynju í Hafnarstræti 88 er sannkallað jólaævintýri í desember.
