Vídeódanshátíðin Boreal Screendance Festival 2026 hefst á föstudaginn
Vídeódanshátíðin Boreal Screendance Festival 2026 hefst á föstudaginn í Ketilhúsi Listasafnsins á Akureyri. Boreal hefur verið haldin á mörkum hausts og vetrar frá árinu 2020, fyrst í Mjólkurbúðinni en nú leggur hátíðin undir sig Listagilið rúmar þrjár vikur í október og nóvember. Viðburðir Boreal að þessu sinni fara fram í Listasafninu á Akureyri, Mjólkurbúðinni, Deiglunni og Kaktus.
Markmið Boreal er að upphefja danslistir og margmiðlunarlist á Norðurlandi eystra með sérstakri áherslu á gæði og alþjóðlega samvinnu. Hátíðin hefur vakið athygli fyrir nýstárlegar sýningar á vídeódansverkum úr víðri veröld í bland við eindæma verk eftir innlent listafólk. Boreal er eina hátíðin sinnar tegundar sem haldin er árlega hérlendis og árið 2021 hlaut hún hvatningarverðlaun Eyrarrósarinnar sem veitt eru framúrskarandi menningarverkefnum á landsbyggðinni.
Í ár verða sýnd 16 vídeódansvek frá 13 löndum sem eru þeim eiginleika gædd að geta á svipstundu fært áhorfendur inn í nýjan menningarheim. Sýningin í Listasafninu er opin frá 23. október til 15. nóvember. Í Mjólkurbúðinni verður til sýnis samansafn verka frá Íslenska dansflokknum frá 28. október til 10. nóvember. Í Deiglunni verða tveir sýningardagar, þann 31. október verða sýnd fimm valin vídeódansverk og 7. nóvember verður sérstök sýning á verkinu Heima III eftir Önnu Richardsdóttur og Örnu Valsdóttur.
Það er samtímadansarinn og danshöfundurinn Yuliana Palacios sem er stofnandi og listrænn stjórnandi Boreal. Hún flutti frá Mexíkó til Íslands 2016 og hefur síðan unnið sjálfstætt að eigin verkum, oft í samvinnu við annað listafólk bæði hér- og erlendis. Síðustu ár hefur Yuliana fengist við vídeódans í auknum mæli og er Boreal ein birtingarmynd þess.
Setningarathöfn Boreal er klukkan 20:00 í Ketilhúsi Listasafnsins á Akureyri, föstudaginn 23. október. Athöfnin hefst með ávörpum og er fylgt eftir með spunadansverki eftir þýska samtímadansarann Jonathan Reimann.
Enginn aðgangseyrir er á sýningar Boreal.
Fylgjast má með Boreal á samfélagsmiðlum:
https://www.instagram.com/boreal_akureyri/
https://www.facebook.com/borealakureyri/
Samstarfs- og styrktaraðilar Boreal Screendance Festival 2026 eru: Akureyrarbær, Uppbyggingarsjóður Norðurlands eystra, Norðurorka, Prentmet/Oddi, Íslenski dansflokkurinn, Gilfélagið, Myndlistarfélagið & Listasafnið á Akureyri.
Nýjast
-
Eigendur NO vilja fylgja samkomulagi um hóflegar hækkanir
Gjaldskrár Norðurorku munu ekki hækka umfram 2,5% um næstu áramót eftir ákvörðun eigenda fyrirtækisins á aukaaðalfundi á þriðjudagsmorgun. Á þeim fundi var tillögum meirihluta stjórnar hafnað, en þær gerðu ráð fyrir á bilinu 2,5 og upp í 7% hækkun á gjaldskrá veitnanna um næstu áramót. Norðurorka rekur hitaveitu, rafveitu, vatnsveitu ogfráveitu. -
Vídeódanshátíðin Boreal Screendance Festival 2026 hefst á föstudaginn
Vídeódanshátíðin Boreal Screendance Festival 2026 hefst á föstudaginn í Ketilhúsi Listasafnsins á Akureyri. Boreal hefur verið haldin á mörkum hausts og vetrar frá árinu 2020, fyrst í Mjólkurbúðinni en nú leggur hátíðin undir sig Listagilið rúmar þrjár vikur í október og nóvember. Viðburðir Boreal að þessu sinni fara fram í Listasafninu á Akureyri, Mjólkurbúðinni, Deiglunni og Kaktus. -
Færeyska tónlistarkonan Gudrid Hansdóttir með tónleika á Græna
Færeyska tónlistarkonan Guðrið Hansdóttir er hér á landi í október og heldur níu tónleika í hringferð um landið dagana 20.–29. október. Tilefnið er útgáfa sjöundu hljóðversplötu hennar, Sýrublað, sem kom út í vor og hlaut góðar viðtökur. Platan er unnin af Høgna Lisberg. -
Talsverðar framkvæmdir á Grenivík
Viðbygging við leikskólann Krummafót á Grenivík eru langt komin. Hún er Hún er nálægt 150 fermetrum að stærð og mun hýsa alla starfsmannaaðstöðu, stoðþjónustu, fundar- og samkomuaðstöðu. -
Svona framkoma verður ekki liðin
Tryggvi Jóhannsson formaður Einingar Iðju bregst í harðorðri yfirlýsingu á heimasíðu félagsins ókvæða við fréttum af fyrirhugaðri hækkun á gjaldskrá Norðurorku um næstu áramót. -
Ný lýðheilsustefna
Bæjarstjórn Akureyrar hefur samþykkt nýja lýðheilsustefnu sveitarfélagsins. Stefnan miðar að því að íbúar njóti góðrar heilsu og vellíðunar á öllum æviskeiðum. -
Lokaorðið - Ekki reyna að móðga mig.
Allt mitt líf er á misskilningi byggt. Ég slæ þessu fram því ég er heyrnarskert. Stundum er ekki heill þráður í tilsvörum mínum. Þeir sem þekkja mig vita það. Þeir sem þekkja mig ekki geta lent í vandræðum þegar þeir fara að spjalla við mig. Ég svara kannski einhverju út í bláinn eða þreyti þá með viðstöðulausu tali...þá þarf ég ekki að misskilja það sem þeir segja. -
Vill gefa fólki litla sögu með sér heim
Ástin dró Þóru Soffíu Gylfadóttur til Raufarhafnar og þar hefur hún fundið efnivið í bæði handverk og sögur. Með verkefninu Hannað við heimskautsbaug vill hún skapa muni sem tengjast staðnum og með heimildarmyndinni Arfi sem lifir áfram, varðveita minningar fólks frá síldarárunum. -
NorðurHjálp hefur úthlutað bónuskortum fyrir 20 milljónir króna á árinu
NorðurHjálp hefur það sem af er ári veitt einstaklingum og fjölskyldum í neyð bónuskort til matarinnkaupa fyrir yfir 20 milljónir króna. Þá hefur fjöldi fólks fengið aðstoð í formi húsgagna, fatnaðar og matvæla úr matarhorni NorðurHjálpar.
