TaxiAk er ný leigubílastöð á Akureyri
Bílstjórar við bílaflotann. Tryggvi Kristjánsson, Þórarinn Steingrímsson, Snorri Jónsson og Jón Hafþór Jónsson. Á myndina vantar Jón Atla Jóngeirsson.
„Við erum bara rétt að byrja, en fáum ágætis start þannig að mér finnst það lofa góðu um framhaldið,“ segir Snorri Jónsson einn þeirra sem standa að stofnun nýrrar leigubílastöðvar á Akureyri, TaxiAk. Bílstjórarnir eru fimm talsins og mun sá sjötti bætast við um áramót. Bílaflotinn saman stendur af fjórum fólksbílum og einum 8 manna bíl. Þjónustan stendur til boða allan sólarhringinn.
Snorri var áður um skamma hríð bílstjóri hjá BSO, „ég rétt náði þar inn á lokametrunum, en aðrir sem með mér eru í þessu hafa einnig starfað fyrir BSO og síðar Hreyfil og einn bílastjórann er með reynslu frá BSR. Við höfum allir reynslu af leigubílaakstri og hlökkum til að þjóna markaðnum á Akureyri,“ segir Snorri. „Við höfum því góða þekkingu á markaðnum og þjónustunni sem fólk þarf á að halda.“
Bregðumst við ákalli úr samfélaginu
„Við heyrðum ítrekað í sumar, bæði frá almenningi og fyrirtækjum á Akureyri, að fólk hefði áhuga á að sjá akureyska leigubílastöð. Það má eiginlega segja að það hafi komið ákall úr samfélaginu sem við ákváðum að bregðast við. Við ræddum þetta okkar á milli um tíma og í haust ákváðum við að láta verða af því og sjá hvort grundvöllur væri fyrir starfseminni. Maður veit aldrei hvort svona verkefni gangi nema maður reyni, en fyrstu viðbrögðin hafa verið jákvæð og við erum bjartsýn á framhaldið,“ segir Snorri spurður um tildrög þess að stöðin var opnuð.
Snorri Jónsson einn þeirra sem standa að TaxiAk
Stundum mikið að gera, stundum minna
Þjónusta TaxaAk verður í boði allan sólarhringinn, alla daga vikunnar. „Við viljum vera til staðar þegar fólk þarf á okkur að halda, hvort sem það er um miðjan dag eða um hánótt,“ segir hann og bætir við að stundum sé mikið að gera í leigubílaakstri og inn á milli komi tímar þar sem minna er um að vera. „Það er oft ágætt að gera á þessum árstíma, á haustin og fram að áramótum. Þá dregur aðeins úr og það er rólegri tíð þessa vetramánuði í byrjun árs. Sumrin eru hins vegar jafnan mjög annasöm, þannig að þegar allt er tekið með í reikninginn er ágætis grundvöllur fyrir því að reka leigubílastöð í bænum.“
Eru að kynna þjónustuna
Snorri segir að fram undan sé að kynna starfsemin og láta bæjarbúa vita af þessum nýja valkosti. „Núna erum við að kynna starfsemina betur og munum auglýsa okkur á næstunni. Við viljum láta sem flesta vita af þessari nýju þjónustu. Við erum að þreifa okkur áfram, bara að taka fyrstu skrefin í þessum rekstri en eins og staðan er núna erum við bjartsýn og teljum að þetta fari vel af stað.“
Vefsíða fyrirtækisins, taxiak.is er að koma í loftið um þessar mundir. Þá er einnig hægt að hlaða niður appi og panta akstur í gegnum það. . Símanúmerið hjá nýju leigubílastöðinni er 461-1015.
Nýjast
-
TaxiAk er ný leigubílastöð á Akureyri
„Við erum bara rétt að byrja, en fáum ágætis start þannig að mér finnst það lofa góðu um framhaldið,“ segir Snorri Jónsson einn þeirra sem standa að stofnun nýrrar leigubílastöðvar á Akureyri, TaxiAk. Bílstjórarnir eru fimm talsins og mun sá sjötti bætast við um áramót. Bílaflotinn saman stendur af fjórum fólksbílum og einum 8 manna bíl. Þjónustan stendur til boða allan sólarhringinn. -
Starfsemi fiskþurrkunar á Laugum hefst að nýju
Heimasíða Samherja segir frá því að Umhverfis- og orkustofnun hafi veitt Samherja bráðabirgðaheimild vegna reksturs fiskþurrkunar á Laugum í Reykjadal. Heimildin gildir þar til nýtt starfsleyfi hefur verið gefið út vegna starfseminnar -
Þrjátíu ár af söng, vináttu og gleði - Afmælistónleikar Karlakórs Eyjafjarðar
Karlakór Eyjafjarðar fagnar 30 ára starfsafmæli sínu með stórtónleikum í Menningarhúsinu Hofi á Akureyri laugardaginn 24. október 2026 klukkan 16. Þar verður sannkölluð tónlistarveisla þar sem kórinn, gestasöngvarar og sjö manna hljómsveit sameinast á sviðinu. -
Um 1.400 íbúðir í byggingu eða undirbúningi
„Staðan er góð hvað varðar framboð lóða á Akureyri og við erum þegar farin að huga að frekari úthlutunum, bæði í Móahverfi og á þeim lóðum sem eftir eru í Holtahverfi. Um 1.200 íbúðir eru nú í byggingu eða á lóðum sem nýlega hefur verið úthlutað, auk um 200 íbúða sem eru í undirbúningi á eldri lóðum, þótt óljóst sé hvenær framkvæmdir hefjast þar,“ segir Sunna Hlín Jóhannesdóttir formaður skipulagsráðs Akureyrarbæjar. -
Bleikur dagur
Bleiki dagurinn er í dag en hann er til að sýna samstöðu með krabbameinssjúkum og vekja athygli á baráttunni gegn krabbameinum. Dagurinn er hápunktur árlegs árvekni- og fjáröflunarátaks Krabbameinsfélags Íslands, Bleiku slaufunnar, sem stendur yfir í október. -
Þrjátíu ára umhverfisvegferð Hölds: 40.000 tré gróðursett
Merkum áfanga var náð á dögunum þegar starfsfólk Hölds gróðursetti tré númer 40.000 í árlegri gróðursetningarferð félagsins. Gróðursetning hefur verið fastur liður í starfsemi Hölds í þrjá áratugi og hefur starfsfólk víða um land tekið þátt í verkefninu. -
Virkari eigandi og ný nálgun í stjórn Norðurorku
Á aukaaðalfundi Norðurorku sem fram fór í dag var stigið mikilvægt skref í því hvernig Akureyrarbær hyggst sinna hlutverki sínu sem stærsti hluthafi fyrirtækisins. Í fyrsta sinn voru óháðir stjórnarmenn tilnefndir til setu í stjórn félagsins. -
Besta kaffihús Íslands!
Kaffistofan hefur verið valin sigurvegari á Íslandi í European Coffee Trip Awards 2026! Það er okkur mikill heiður að hljóta þessa viðurkenningu, ekki síst þar sem hún byggir á atkvæðum kaffiaðdáenda. -
Eigendur NO vilja fylgja samkomulagi um hóflegar hækkanir
Gjaldskrár Norðurorku munu ekki hækka umfram 2,5% um næstu áramót eftir ákvörðun eigenda fyrirtækisins á aukaaðalfundi á þriðjudagsmorgun. Á þeim fundi var tillögum meirihluta stjórnar hafnað, en þær gerðu ráð fyrir á bilinu 2,5 og upp í 7% hækkun á gjaldskrá veitnanna um næstu áramót. Norðurorka rekur hitaveitu, rafveitu, vatnsveitu ogfráveitu.
