Ríkasta kona landsins
Stella Stefánsdóttir á Akureyri fagnar í dag 90 ára afmæli sínu, en hún er ættmóðir 189 afkomenda og það styttist í að einn einn bætist við. Afkomendur Stellu hafa nú fengið staðfestingu frá Íslendingabók um að enginn annar Íslendingur eigi fleiri afkomendur. Hún telst því vera ríkasti Íslendingurinn. Einungis ellefu núlifandi Íslendingar eiga fleiri en 100 afkomendur, samkvæmt Íslendingabók. Stella og eiginmaður hennar, Gunnar Konráðsson, eignuðust fjórtán börn og eru þrettán þeirra á lífi. Þau bjuggu lengst af í Innbænum, Lækjargötu 22a. Gunnar er látinn og Stella hefur undanfarin ár búið á fimmtu hæð í Mýrarvegi 117, þar sem útsýni er í allar áttir. Hún er við góða heilsu og sér um sig sjálf.
Enginn leikskóli
Við eignuðumst tíu stelpur og fjóra stráka. Sem betur fer voru stelpurnar í meirihluta, þær eru miklu þægilegri í uppeldi en strákarnir. Þau voru nú reyndar aldrei öll heima á sama tíma, stelpurnar hjálpuðu mikið til og það var í raun alltaf nóg pláss hjá okkur. Jú, jú, auðvitað var nóg að gera, en þetta hafðist allt saman.Gunnar vann í mörg ár utan Akureyrar, þannig að ég var oft á tíðum ein með börnin. Ég setti þau bara út fyrir dyrnar á morgnana og þau björguðu sér sjálf.
Hvað með leikskóla ?
Ég ætlaði einu sinni að setja tvær stelpur á leikskóla, en þær voru ekkert hrifnar af því. Þær vildu miklu frekar vera í frelsinu heima, þannig að ekkert barnanna var vistað á leikskóla. Í dag er þessu víst öðruvísi háttað.
Ítarlega verður rætt við Stellu í prentútgáfu Vikudags
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
