MATUR--?INN 2013 á Akureyri um næstu helgi
Sýningin MATUR-INN 2013 hefst í Íþróttahöllinni á Akureyri næstkomandi föstudag kl. 13. Sýningin stendur í tvo daga og eru sýnendur um 30 talsins, allt frá smáframleiðendum upp í stór fyrirtæki. Sýningin er nú haldin í sjötta sinn en hún er haldin á tveggja ára fresti. Síðast sóttu hana hátt í 15 þúsund manns á tveimur sýningardögum. Sýningin verður opin kl. 13-20 á föstudag og kl. 13-18 á laugardag. Aðgangur að sýningunni er ókeypis.
Fjölbreyttur sýnendahópur
Að sýningunni stendur félagið Matur úr Eyjafirði en sýnendur eru bæði af Eyjafjarðarsvæðinu og víðar af Norðurlandi, sem og af Austurlandi. Þungamiðjan í sýningunni er norðlensk matarmenning og matreiðsla eins og hún gerist best. Sýnendahópurinn er fjölbreyttur en þar er að finna framleiðslufyrirtæki, veitingafyrirtæki, bændur, drykkjarvöruframleiðendur, þjónustufyrirtæki við matvælaiðnað og þannig mætti áfram telja. Auk hefðbundinna bása er á sýningunni svæði bjórframleiðslufyrirtækja og markaðstjald smáframleiðenda þar sem meðal annars má fá glænýjar og ljúffengar sultur, grænmeti beint úr garðinum og margt fleira.
Sýningin er sölusýning og geta sýningargestir gert góð kaup hjá sýnendum, jafnframt því að kynna sér framleiðslu þeirra.
Dömulegir desertar og veislur í heimahúsum!
Í anddyri Íþróttahallarinnar verður Samherji hf. með sögusýningu í tilefni af 30 ára afmæli fyrirtækisins en þeim tímamótum fagnar fyrirtækið í ár. Báða sýningardagana verður dagskrá í eldhúsi sýningarinnar þar sem leikmenn spreyta sig í skemmtilegum keppnum. Klúbbur matarreiðslumeistara á Norðurlandi hefur umsjón með þessari dagskrá en meðal annars munu þjóðþekktir einstaklingar keppa síðdegis á föstudag í súpugerð og um miðjan dag á laugardag taka konurnar völdin og keppa um hver gerir dömulegasta desertinn. Fyrr þann sama dag spreyta matreiðslunemar sig á matreiðslu á hráefni úr héraði.
Heimaveislur í þágu þjónustu við krabbameinssjúka
Líkt og áður verður uppboð á gjafakörfum á sýningunni síðdegis á laugardag en sýnendur leggja fram gjafir í körfurnar. Þar verða t.d. boðnar tvær 8 manna veislur í heimahúsi sem Klúbbur matreiðslumanna á Norðurlandi gefur og innifela þær hráefni, matreiðslu, framreiðslu og meira að segja uppvask. Það er því eftir miklu að slægjast en allur ágóði af uppboðinu rennur til Krabbameinsfélags Akureyrar og nágrennis. Uppboðið hefst kl. 16:15 á laugardag.
Halla Björk Reynisdóttir, formaður bæjarráðs Akureyrar, opnar sýninguna formlega kl. 13.15 á föstudag og þá verða einnig frumkvöðlaverðlaun félagsins Matur úr Eyjafirði veitt.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
