Verður kosið um gras?
Guðmundur og Eva skrifa.
Nýlega kom fram fyrirsögn sem hljóðaði eitthvað á þá leið að stuðningsfólk KA og Þórs þyrftu að hugsa sig um í kjörklefanum og í greininni var áréttað að bæjaryfirvöld þurfi að rífa sig í gang. Þetta er gripið upp úr umræðu um þessi mál sem hafa verið sérstaklega áberandi á höfuðborgarsvæðinu síðustu daga og virðast hafa magnast þegar leikmaður Stjörnunnar varð fyrir meiðslum í Boganum nýverið og ástandi vallarins kennt um.
En aðeins að ástandi Bogans. Það eru ekki nema rúmlega fimm ár síðan skipt var um gras í Boganum, eða síðla árs 2016. Á þeim tíma var gerð mikil úttekt á því hvaða gras myndi best henta og vonir bundnar við að grasið myndi duga næstu 10 árin. Svo virðist sem að grasið sé ekki jafn endingargott og gert var ráð fyrir. Hvort um er að kenna umhirðu, ofnotkun, lélegu undirlagi eða jafnvel galla skal ósagt látið en hins vegar höfum við tekið þessum athugasemdum alvarlega og hefur verið brugðist við með aðgerðum. Viðgerðum er nýlokið á grasinu, nýtt viðhaldsplan verið sett upp og kallað hefur verið eftir úttekt á grasinu frá óháðum aðila, sem vænta má á næstu dögum. Hvað kemur út úr þeirri úttekt mun væntanlega ráða næstu skrefum í málinu en Umhverfis- og mannvirkjaráð Akureyrarbæjar hefur lagt til að farið verði í endurnýjun á gervigrasi í Boganum á árinu 2023 og tillit verði tekið til þess í fjárhagsáætlun nú í haust.
Í umræðu um málið virðist sem að aðilum sé lítt kunnugt um þær framkvæmdir sem eru að hefjast á KA svæðinu, en þær eru liður í metnaðarfullri uppbyggingaráætlun íþróttamannvirkja . Gert er ráð fyrir að skipta um gervigras á æfingavelli félagsins á sama tíma og núverandi gras verður sett upp á svokölluðum Nývangi sem er í suðvesturhorni svæðisins og nýtt til léttari æfinga og á framkvæmdum þessum á að vera lokið fyrir 1. júní nk.
Því liggur fyrir að strax í sumar verður komið nýtt gervigras á æfingavöll KA sem er sérstaklega valið út frá gæðum og endingu og í nánu samráði við KA. Sem dæmi má nefna að þessi tegund af grasi hefur nýlega verið sett á Valsvöllinn og í nýtt knatthús í Garðabæ. Í framhaldinu mun svo sama tegund af gervigrasi vera komin á nýjan aðalvöll KA á árinu 2023. Verða því strax á næsta ári komnir tveir gervigrasvellir á KA svæðinu í hæsta gæðaflokki auk þess sem eldra gras verður áfram í notkun.
Með þeirri þróun sem orðið hefur á gervigrasi á undanförnum árum, þróun sem hefur verið ótrúlega hröð, hefur margt lærst. Fyrir liggur að með því álagi sem við erum að setja á þessa velli þarf væntanlega að gera ráð fyrir örari endurnýjun og ekki síður að huga betur að viðhaldi. Til þess að mæta þessu hefur nýverið verið samþykkt að kaupa sérstaka vél með búnaði til umhirðu á öllum völlunum og vonandi mun það bæta endingu og viðhalda gæðum þeirra.
Vissulega hefði ástand knattspyrnuvalla hér á Akureyri mátt vera betra á síðustu árum og um það er ekki deilt. Breyttar áherslur knattspyrnuhreyfingarinnar um uppbyggingu gervigrasvalla samhliða sífellt aukinni þróun þeirra hafa magnað kröfurnar og tímabundið ýkt aðstöðumun einstakra félaga. En með framkvæmdum á KA-svæðinu sem og með endurnýjun á gervigrasvelli í Boganum verður Akureyrbær með í rekstri þrjá gervigrasvelli í hæsta gæðaflokki jafnvel strax á næsta ári.
Því má spyrja sig, þegar öllu er botninn hvolft, hvort við séum ekki að gera nokkuð vel og kjósendur hafi jafnvel um annað og fleira að hugsa þegar þeir koma inn í kjörklefann í vor.
Guðmundur Baldvin Guðmundsson formaður bæjarráðs
Eva Hrund Einarsdóttir formaður fræðslu- og lýðheilsuráðs
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir