Fjölskylduhús á Akureyri -þjálfunar og meðferðarstaður fyrir börn og fjölskyldur í vanda
Í Velferðarráði Akureyrarbæjar var nýverið fjallað um undirbúning að stofnun þjálfunar-og meðferðarstaðs þar sem veitt væri sérhæfð þjónusta til barna og fjölskyldna þeirra sem glíma við ýmiskonar flóknar félagslegar og heilsufarslegar aðstæður. Greinarhöfundur, sem situr fyrir hönd Samfylkingarinnar í Velferðarráði, óskaði eftir umfjöllun um hvar þetta mál væri statt, en nú í nokkur ár hefur umræða verið um slíkan stað sem gæti þjónað hópi barna sem þurfa sértæka þjálfun og nálgun til að bæta líðan og lífsgæði.
Fjölskylduhús er ágætis samheiti yfir þennan stað, þar sem meginmarkmiðið er að veita þjálfun og fræðslu í sem næst raunverulegum aðstæðum á heimili. Með þjálfun í því umhverfi eru meiri líkur að árangur náist, og að foreldrar nái að tileinka sér þær aðferðir sem geta bætt stöðu barnsins og fjölskyldunnar. Nú þegar er til staðar lítil eining á Akureyri þar sem börn njóta þjálfunar og greiningar inni á einkaheimili, en mun færri komast þar að en þurfa og þar er biðlisti til að komast að. Reynslan af þessari litlu einingu er mjög góð, unnið er gott starf sem hefur skilað góðum árangri. Það er því afar brýnt að nú komist skriður á þetta mikilvæga mál, enda er staða barna og félagslegar aðstæður þeirra málefni þar sem mikið er í húfi fyrir nærsamfélagið og afar rík hin lögbundna skylda Akureyrarbæjar til að mæta þörfum allra barna. Einnig er vert að minna á að Akureyrarbær skilgreinir sig sem barnvænt samfélag og jafnframt er í gangi vinna til að innleiða farsældarlög barna, þar sem mikil áhersla er á heildstæða, fyrirbyggjandi og faglega þjónustu í öllu sem viðkemur börnum í viðkvæmri stöðu.
Akureyrarbær hefur hér kjörið tækifæri til að vera í fararbroddi til að þróa þessa þjónustu, hafið er samtal við hið opinbera um að taka þátt í verkefninu og bindur undirrituð miklar vonir við að það muni skila árangri. Það eru hins vegar blikur á lofti, verkefni af þessu tagi kostar að sjálfsögðu fjármuni og áherslu á það er ekki að finna í samningi núverandi meirihluta. Það er hins vegar alveg ljóst að samkvæmt starfsfólki velferðarsviðs og þeirra sem starfa í barnavernd, að til þess að mæta þörfum þessara barna og fjölskyldna þeirra, er þessi leið mjög mikilvæg og ákjósanleg. Vert er einnig að horfa til hversu víðtæk og fyrirbyggjandi áhrif það hefur að grípa fyrr inn í erfiðar aðstæður þar sem jafnframt er hægt að nota minna íþyngjandi inngrip og aðgerðir fyrir bæði barnið og fjölskyldu þess. Það er auðvelt að gera sér í hugarlund hversu dýrmætt það er fyrir fjölskyldur í vanda að fá hjálp snemma, sem síðar meir kemur í veg fyrir ómælda erfiðleika, álag og óhamingju heillar fjölskyldu. Langtíma áhrif af snemmtæku inngripi sem þessu mun spara sveitarfélaginu útgjöld og flóknari dýrari þjónustu til lengri tíma litið.
Hér þarf því framsýni og áræðni til að hrinda þessu verkefni af stað og munum við í Samfylkingunni leggja okkar lóð á vogarskálarnar til af þessu megi verða og það fyrr en síðar.
Elsa María Guðmundsdóttir
Samfylkingunni, Akureyri
Nýjast
-
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri. -
Lokaorðið - Mæður allra alda
Það styttist trúlega í þriðju heimsstyrkjöldina, og þó er býsna stutt síðan þeirri síðustu lauk, elsta kynslóðin man þá tíma vel. -
Umhverfis- og mannvirkjaráð Akureyrar - Blöndulína 3 þrengir að landlitlu sveitarfélagi
„Um er að ræða gríðarlega mikla hagsmuni Akureyrarbæjar, enda ljóst að umrædd lína þrengir að því landlitla sveitarfélagi sem Akureyrarbær er, getur hindrað vöxt þess og er líkleg til að rýra gæði þeirrar byggðar sem fyrir er,“ segir í bókun umhverfis- og mannvirkjaráðs Akureyrar, en á fundi ráðsins voru lögð fram drög að umsögn vegna lagningar Blöndulínu í gegnum land Akureyrarbæjar frá norðri og að Rangárvöllum. -
Heiðurviðurkenningar Akureyrarbæjar
Heiðursviðurkenningar Akureyrarbæjar fyrir vel unnin störf í þágu menningar og samfélagsins hlutu að þessu sinni nafnarnir Þorsteinn Pétursson, Steini Pje, fyrir óeigingjarnt framlag sitt til varðveislu og nýtingar eikarbátsins Húna II, og Þorsteinn E. Arnórsson, fyrir mikilsvert framlag til varðveislu iðnaðarsögu Akureyrar og reksturs Iðnaðarsafnsins á Akureyri. -
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri.
Athugasemdir