| Stuttmyndasamkeppni Northern Wave Festival |
| Kvikmyndahátíðini Northern Wave Festival verður haldin í Grundarfirði 5. - 7. mars. Þetta er í þriðja sinn sem Dögg Mósesdóttir, kvikmyndagerðarkona úr Grundarfirði, heldur þessa hátíð en nú hefur hún í fyrsta sinn efnt til stuttmyndasamkeppni í tengslum við hátíðina en keppnin er fyrst og fremst ætluð Vestlendingum. Myndirnar eiga að vera 3 - 5 mínútur að lengd, efnisval er frjálst en vera frá árunum 2009 og/eða 2010. Skilafrestur er til 1. ferbrúar að Smiðjustíg 10. merkt hátíðinni. hj |
Þessi vefur er prófaður og vottaður
samkvæmt alþjóðlegum stöðlum.
Tvinn-bíll í Þjóðgarðinn
Fyrir skömmu festi Umhverfisstofnun kaup á nýjum bíl til notkunar í Þjóðgarðinum Snæfellsjökli. Bíllinn er af gerðinni Toyota Prius sem er svokallaður tvinn-bíll. Hann er sparneytinn og notar bæði rafmagn og bensín eftir því sem hentar hverju sinni. Bíllinn er almennt álitinn með umhverfishæfari bílum og eru kaupin hugsuð sem byrjunarskref fyrir visthæfari bílaflota Umhverfisstofnunar. Umhverfisstofnun keypti jafnframt Volkswagen Passat bíl fyrir starfsemina í Reykjavík en sá bíll notar metan og bensín.
Stofnunin mun eftir sem áður þurfa að nota stóra bíla í ákveðin verk víða um land s.s. yfir sumartímann í þjóðgarðinum. Umhverfisráðuneytið hefur lýst ánægju með þessa þróun og hefur lagt áherslu á umhverfishæfari bílaflota fyrir ríkisstofnanir.
Á myndinni er Hjalti Guðmundsson sviðsstjóri sviðs náttúruauðlinda Umhverfisstofnunar að afhenda Guðbjörgu Gunnarsdóttur þjóðgarðsverði lyklana að nýja bílnum.
