| Heimsókn frá Paimpol |
| Í næstu viku mun hópur frakka frá vinabæ Grundarfjarðar í Paimpol í Frakklandi koma í heimsókn til Íslands og skoða landið. Hópurinn kemur til Grundarfjarðar að kvöldi mánudagsins, annars í hvítasunnu. Á þriðjudag, 25. maí, er skipulögð dagskrá og er heimamönnum velkomið að taka þátt. Um morguninn verður farið að bretónska krossinum á Grundarkampi og síðan kl. 10.15 verður athöfn í kirkjunni til þess að minnast sæfarenda frá Paimpol. Því næst kl. 10.45 er fyrirhugað að vígja gróðurreit á opna svæðinu neðan Ölkelduvegar og verður reitnum gefið nafnið Paimpol garður. Lúðrasveit Tónlistarskóla Grundarfjarðar mun spila og fulltrúar vinabæjanna munu flytja ávörp. |
| Nánar... |
Þessi vefur er prófaður og vottaður
samkvæmt alþjóðlegum stöðlum.
Sólarkaffi brottfluttra Grundfirðinga
Miðvikudagur, 03 Febrúar 2010 10:49 | Skrifað af Hrafnhildi Jónu | 
Sunnudaginn 31. janúar stóð Átthagafélag Grundarfjarðar, skemmtinefnd Eyrbyggju, fyrir sólarkaffi í Víkingsheimilinu Reykjavík. Alls komu saman meira en 100 Grundfirðingar og gerðu sér glaðan dag yfir spjalli, pönnukökum og handboltaleik. Þar sem Grundfirðingar koma saman - þar er gaman!Átthagafélagið stefnir að því að halda Góugleði í mars fyrir alla sem eru Grundfirðingar í hjarta sínu - sem eru fjöldamargir!
Blaðinu bárust nokkrar skemmtilegar myndir frá samsætinu sem Steinþóra Ágústsdóttir tók og er að finna hér.
