Vikublaðið Þeyr | Grundarfjörður | Snæfellsnes

Vikublaðið er komið á netið og er að finna hér

Með kveðju

Ritstjóri

Kunnur aflaskipstjóri svaraði eitt sinn fréttamanni útvarps þegar hann spurði hann hvers vegna hann tæki sig oft út úr flotanum og virtist vita nákvæmlega hvar fiskurinn væri. Hvort hann dreymdi fyrir þessu eða hvað þetta eiginlega væri.

 Aflaskipstjórinn hugsaði sig um í nokkra stund og svaraði svo „Ætli ég reyni ekki bara að hugsa eins og þorskur“. Frérttamaðurinn varð hálf kvumsa við, en við frekari umræður sagði skipstjórinn að hann reyndi að fylgjast með straumum, hita sjávar, hafísnum og fleiru sem kæmi þorskinum vel í ætisleit. Sem sagt hugsa hvað gerði ég í dag ef ég væri þorskur.

Það er mér mikill heiður að kynna nýtt námskeið sem heitir „Efling erlendra kvenna“ og er ætlað konum af erlendum uppruna sem búa hér á Snæfellsnesi. Markmiðið er að rjúfa félagslega einangrun, veita upplýsingar um íslenskan vinnumarkað og gefa þátttakendum aukið sjálfstraust, kynna fyrir þeim  gagnlegar síður á internetinu, hjálpa þeim sem að undirbúa sig fyrir atvinnuviðtöl, sýna hvernig á að gera íslenska færnimöppu og ferilsskrá og ekki síst að eyða góðri stund saman og hafa það gaman. Kennslan fer fram á léttri íslensku, sem við munum læra um leið. Námsmenn munu fá útskýrt ýmislegt um íslenska menningu og lykilhugtök í íslensku sem tengist efninu.

Grípið tækifærið og verið með!

Hlakka til að sjá sem flestar og kynnast ykkur

Barbara Fleckinger
Verkefnisstjóri

Vísindamenn hafa sýnt fram á að í samstarfi fólks að tilteknu málefni verði til afl sem kallað er félagsauður. Félagsauður byggir á þátttöku fólks í ýmis konar félagasamtökum eins og íþróttafélögum, kórum, vinahópum, foreldrasamstarfi og stjórnmálaflokkum. Erfitt er að mæla félagsauð en flest bendir til þess að hann hafi áhrif á velferð, hagsæld og heilbrigði einstaklinga og samfélaga (Mbl 2006).

Í Grundarfirði er gott að búa. Það lýsir sér í því að nýir íbúar staldra oftast lengi við í sveitarfélaginu. Fjöldi félagasamtaka er nokkur og margir eru í fleiri en einu eða tveimur félögum eða tómstundastarfi. Ekki hefur verið tekið saman hve mörg félög eru hér eða hvað meðlimir eru margir en þeir gætu verið margföld íbúatala sveitarfélagsins. En íbúarnir eru ekki bundnir átthagafjötrum. Maður kemur í manns stað og stöðug íbúatala bendir til að hér búi margir sem vildu kynna sér félögin og starf þeirra og auka þannig velferð sína og samfélagsins.

Þeir sem vilja fræðast meira um hugtakið félagsauð geta slegið því upp í leitarvél á vefnum. SuN

****

Kynningardegi kvenfélagsins er frestað um sinn. Hafið samband. Sjá auglýsingu í Þey 10. sept.