Vikublaðið Þeyr | Grundarfjörður | Snæfellsnes

Eldri fréttir

Vorskólinn 2010

Í vetur hefur verið gott samstarf á milli leik- og grunnskóla eins og undanfarin ár. „Brúum bilið“ verkefnið hefur fest sig í sessi og hafa elstu börnin í leikskólanum komið í nokkrar heimsóknir í grunnskólann í vetur. Dagana 17. – 21. maí var svo komið að vorskólanum. Íslenska fánanum var flaggað í tilefni af komu barnanna en það er ávallt mikil tilhlökkun hjá börnum, foreldrum og starfsfólki skólans þegar komið er að þessum tíma. Fjölbreytt dagskrá var þessa daga. Nemendur fengu meðal annars að prófa sund, smíðar, textílmennt, heimilisfræði og tölvur, að ógleymdu að fá að takast á við stærðfræðitengd viðfangsefni og stafaverkefni.

Nánar...

Þessi vefur er prófaður og vottaður
samkvæmt alþjóðlegum stöðlum.

Erlendar fréttir

September

Aðalfundur Hjónaklúbbs Eyrarsveitar

Laugardagur, 03 Október 2009 05:39 | Skrifað af Hrafnhildi Jónu |

Aðalfundur hjónaklúbbsins

Aðalfundur Hjónaklúbbs Eyrarsveitar verður haldinn fimmtudaginn 15. október nk. á Kaffi 59. kl. 20.30 Á dagskrá fundarins verða venjuleg aðalfundarstörf og kosin ný stjórn.

Félagar hvattir til að mæta.

Stjórnin

Uppskeruhátíð Ungmennafélags Grundarfjarðar

Miðvikudagur, 30 September 2009 04:24 | Skrifað af Hrafnhildi Jónu |

Uppskeruhátíð UMFG var haldin sunnudaginn 20. sept. síðastliðinn eins og venja er á hverju hausti. Ekki var góð mæting hjá krökkunum á hátíðina en hún tókst samt með ágætum. Verðlaunin voru gefin af Lengjunni ehf. GG lögnum ehf. og Taugum efh. og eru þeim færðar bestu þakkir fyrir stuðninginn. Að verðlaunaafhendingu lokinni var boðið upp á pizzur og svala. Stjórn UMFG þakkar þjálfurum, foreldrum og öllum krökkunum fyrir gott og skemmtilegt ár. Þeir sem ekki mættu á hátíðina geta vitjað verðlaunanna hjá þjálfara sínum.
Eftirtaldir hlutu viðurkenningar fyrir árið 2008 – 2009:

Lesa meira...

Félagslíf NFSN

Miðvikudagur, 30 September 2009 04:10 | Skrifað af Innsendar greinar |

Ýmislegt hefur verið á döfinni hjá nemendum FSN að undanförnu. Nýnemar voru vígðir inn í skólann með pompi og pragt í septemberbyrjun en yfir deginum var mikil leynd og höfðu nýnemar ekki hugmynd um hvað beið þeirra. Mikil tilhlökkun var fyrir deginum þar sem ekki var busun árið áður. Þegar busarnir mættu í skólann tók við heljarinnar dagskrá sem útskriftarnemar og stjórn nemendaráðs sáu um. Busarnir voru spreyjaðir með hárspreyi og klæddir í ruslapoka en svo áttu þeir að leika hin ýmsu fyrirbæri, dansa höfuð, herðar, hné, og tær og fleira skemmtilegt. Þegar öllu sprelli innan veggja skólans lauk gengu busarnir í halarófu upp í gil með stuttu stoppi við Kaupþing banka þar sem busarnir dönsuðu og sungu fyrir viðstadda. Upp í gil voru þau boðin velkomin með hákarlsbita og svo beið þeirra þrautabraut en í henni fólst meðal annars að skríða undir net, stökkva í gegnum dekk, gera magaæfingar og armbeygjur.

Lesa meira...

Breytingar hjá Félags- og skólaþjónustunni

Miðvikudagur, 30 September 2009 04:08 | Skrifað af Innsendar greinar |

Í kjölfar nýrrar stefnumótunar og áherslna hafa orðið nokkrar breytingar á starfsskipulagi Félags- og skólaþjónustu Snæfellinga. Þá fagnar stofnunin áratugarafmæli sínu í vetur.

Megininntak breytinganna er aukin áhersla á faglega styrkingu starfsmannahalds og endurskipulagning starfshátta stofnunarinnar í kjölfar þess.

Sem fyrr eru rekstursaðilar FSSF sveitarfélögin hér á Snæfellsnesi, Grundarfjarðarbær, Helgafellssveit, Snæfellsbær og Stykkishólmsbær. Þá þjónustar FSSF Eyja- og Miklaholtshrepp á sviðum barnaverndarþjónustu, skv. sérstökum samningi þar um. Stjórn FSSF skipa þau Erla Friðriksdóttir, Stykkishólmi, formaður, Kristinn Jónasson, Snæfellsbæ og Sigríður Finssen, Grundarfjarðarbæ. Starfsmenn FSSF starfa að félags- og skólaþjónustuþáttum í samráði og í umboði félagsmálanefndar Snæfellinga. Hana skipa þau Helga Sveinsdóttir,formaður, Stykkishólmi, Helga Guðmundsdóttir, Stykkishólmi, Baldvin Leifur Ívarsson, Snæfellsbæ, Lára Sverrrisdóttir, Snæfellsbæ og Matthildur Guðmundsdóttir, Grundarfjarðarbæ.

Lesa meira...