Vikublaðið Þeyr | Grundarfjörður | Snæfellsnes

G - leði, R - eisn, U - mhyggja, N - ánd, D - ugur.
Í húsi verkalýðsfélagsins, Borgarbraut 2.

Rauða kross deild Grundarfjarðar hefur ákveðið að feta í fótspor deildarinnar á Akranesi sem hefur starfrækt húsið HVER um nokkurt skeið. Aðalmarkmið húsins er að gefa þeim sem heima sitja stað til að hittast á, ég vil, get og skal verða leiðarljósin í starfinu. Samstarfsaðilar í þessu verkefni eru Verkalýðsfélagið og Grundarfjarðarbær.

Þessi aðstaða er ætluð fyrir alla þá sem hafa dottið út úr hlutverkum sínum í lífinu, vegna veikinda t.d. geðrænna, slysa eða áfalla eins og atvinnumissi. Hver einstaklingur verður boðinn velkominn á sínum forsendum til styttri eða lengri dvalar. Þar mun starfsmaður Rauða kross deildarinnar Steinunn Hansdóttir í hlutverki húsmóður, hlúa að hugmyndum sem hver og einn kemur með eða kynnist á staðnum t.d. námskeiðum, sjálfsuppbyggingu, föndri, tölvuvinnslu, líkamsrækt eða öðru sem hugurinn stendur til.

Opið húsverður fimmtudaginn 26. nóvember milli kl 14.00 og 16.00 og eru allir velkomnir, en fyrirhugað er að húsið verði opið til að byrja með tvo daga í viku, þriðjudaga og fimmtudaga á sama tíma.

Á vísindavöku, sem haldin var af hópnum W23 þann 14. nóvember síðastliðinn í Félagsheimilinu Klifi, Snæfellsbæ, var gestum boðið að taka þátt í getraun. Verðlaun voru tvö eintök af bókinni Ströndin í náttúru Íslands, árituð af höfundi, Guðmundi Páli Ólafssyni. Dregið var úr réttum svörum og upp komu nöfn tveggja 8 ára barna, þeirra Jönu Hermannsdóttur og Gylfa Örvarssonar. Myndin var tekin við afhendingu verðlaunanna. Aðstandendur vísindavökunnar óska þeim til hamingju með vinningana og þakka þeim og öðrum fyrir þátttökuna.

 

W23 er samstarf fimm náttúrutengdra stofnana á Snæfellsnesi sem efla vilja náttúruvísindi, þær eru: Háskólasetur Snæfellsness, Náttúrustofa Vesturlands, útibú Hafrannsóknastofnunarinnar í Ólafsvík, Vör Sjávarrannsóknarsetur við Breiðafjörð og Þjóðgarðurinn Snæfellsjökull.  Samstarfið er styrkt af Vaxtarsamningi Vesturlands.

 

Norska húsið opnar n.k. laugardag, 28. nóvember, hina árlegu jólaopnun sem orðin er hluti af dagskrá hússins. Húsið verður opið daglega fram til jóla kl. 14.00-18.00 sem og á fimmtudagskvöldum  kl. 20.00-22.00.

 Undirbúningur jólaopnunarinnar hefst í byrjun nóvember með því að tínt er til jólaskrautið sem til er í safninu og er það orðið töluvert safn af gömlu skrauti sem og yngra. Veitir ekki af tímanum því opinber stefna starfsmanna er að ofskreyta eins og hægt er, og alls staðar þar sem hægt er að pota niður einhverju glansandi eða með glimmer, er það gert og má segja að nú sé húsið alskreytt frá jarðhæð og upp í ris. T.a.m eru uppsett 20 skreytt jólatré og eru 90 ár á milli þess elsta og yngsta. Þá er gömul eftirgerð af gamla Borgarholtsbænum í Eyja- og Miklaholtshreppi, stofa hjónanna Sigríðar og Guðmundar um eða upp úr 1960, eftirgerð af gömlu kirkjunni í Stykkishólmi og sömuleiðis nýju kirkjunni. Þá má sjá nýjustu viðbót við safnmuni safnsins Aton-giftingarstólana úr gömlu kirkjunni í Stykkishólmi. Einnig má sjá jólasveinana sem stóðu í glugganum í Kaupfélaginu og síðar í