| Þrjú lið Snæfellsnes í úrslit ! |
| Stelpurnar í 4. flokki kvenna gulltryggðu ferð sína í úrslitakeppni íslandsmótsins í knattspyrnu 7 manna liða með sigri á Stjörnunni 8-4 á Grundarfjarðarvelli á þriðjudag. Stelpurnar höfnuðu í 2. sæti síns riðils með 36 mörk í plús og töpuðu aðeins einum leik. Úrslitakeppnin fer fram á Víkingsvellinum í Reykjavík 21. og 22. ágúst nk. |
| Nánar... |
Þessi vefur er prófaður og vottaður
samkvæmt alþjóðlegum stöðlum.
mars
Grunnskólanemum fækkar ár frá ári í Grunnskóla Grundarfjarðar
Þriðjudagur, 03 Mars 2009 09:51 | Skrifað af Hrafnhildi Jónu |
  
Hagstofa Íslands hefur sent frá sér tölur um nemendur og starfsfólk í grunnskólum í október 2008. Á landsvísu hefur grunnskólanemum fækkað ár frá ári síðan 2003 þegar fjöldi barna í grunnskólium landsins var hæstur síðan farið var að taka saman hagtölur um grunnskóla árið 1997. Grunnskólanemum af erlendum uppruna fer þó fjölgandi og eru nú tæp 5%. Í grunnskólanum í Grundarfirði eru nú 127 nemendur, þar af 55 drengir á móti 72 stúlkum. Árið 2001 voru 211 grunnskólanemar í Grundarfirðiog hefur því fækkað um nær helming. Ef skoðaðar eru tölur á landsvísu eru 9,3 nemendur á bak við hvert stöðugildi kennara. Nemendum á stöðugildi kennara hefur fækkað ár frá ári, og voru 9,5 nemendur á hvert stöðugildi í fyrra. Haustið 1998 voru 13,3 nemendur á hvern kennara. Að meðaltali eru 18,3 nemendur í bekk en þá eru sérskólar og sérdeildir ekki taldar með. Bekkjarstærð vex með hækkandi aldri nemenda. Að meðaltali eru fæstir nemendur í 1. bekk, eða 16,2, en flestir nemendur í 10. bekk, eða 19,7. Á vef hagstofunnar hagstofan.is er hægt að nálgast ýtarlegri upplýsingar og tölur. |
|
|
