Vikublaðið Þeyr | Grundarfjörður | Snæfellsnes

Þann 6. Mars kl. 8 um morguninn kastaði Vaka hans Rúnars á Kverná. Hryssan fæddist í 6,5 stiga frosi  og miklum snjó.  Hún er fífil bleik og hlaut nafnið Lukka. Það er mjög sjalfgæft að folald fæðist á þessum árstíma.

Rúnar Þór Ragnarsson heldur á folaldinu sem hlaut nafnið Lukka.

www.eXeS gallery. com

Ég vil þakka öllum þeim fjölmörgu sem færðu mér gjafir, blóm og heimsóttu búðina á opnunardegi. Verið velkomin(n) líka að skoða úrvalið á heimasíðunni  minni. Hún mun taka breytingum á næstunni þar  sem fleiri myndir, upplýsingar um vörur og verð verða birtar. Það er líka gaman að sjá ykkur í galleríinu til að skoða vörurnar.

Ég vil nota tækifærið og segja frá mjög óskemmtilegri reynslu sem ég lenti í nýlega. Ég var rukkuð um 65.400 kr. (upphaflega 80.304 en var lækkað við gerð reiknings) fyrir smíði á tveim hillum og skorun á nokkrum plötum (eins og á myndinni). Þetta tók fagmenn alls 13 klukkustundir. Vegna þess að ég spurði ekki fyrirfram um verð var ég rænd. Svona rukkun kallast ekki viðskipti, þetta er  óréttlæti og siðleysi, þetta er bara RÁN. Ég vil senda boðskap til allra – spyrjið alltaf um verð fyrirfram, jafnvel þótt þið haldið að varan kosti ekki meira en krónu.

Til að loka pistlinum ekki á neikvæðan hátt, vil ég sérstaklega þakka Guðmundi Runólfssyni hf. og athöfninni  á Hring SH fyrir umhyggju og hjálpsemi en KB bílprýði fyrir skjót viðbrögð, fagmennsku og síðast en ekki síst, fyrir lágt verð. Gangi ykkur vel strákar.

Með kveðju, Ela.

Föstudaginn 20. febrúar var haldin hin árlega Samfés hátíð í Laugardalshöllinni í Reykjavík. Þessi hátíð er tileinkuð unglingum á aldrinum 14-16 ára. Samfés er þó ekki bara árlegt ball heldur inniheldur það allskyns atburði, t.d.  Stíl sem er hönnunarkeppni, söngvakeppni, rímnaflæði sem er rappkeppni, þar sem framkomendur semja lög og texta sjálfir, og allskyns fleiri uppákomur. Oftast nær er það þó þannig að aðeins 9.-10.bekkur fá að fara á hátíðina, aðallega vegna kostnaðar. Oft hefur dagskráin samanstaðið af skautaferð, kringluferð, sundferð og að lokum sjálfu samfésballinu.
Í ár fóru krakkarnir í 9.-10. bekk á Samfés. Dagskráin samanstóð að því að fyrst var farið í keiluhöllina í Öskjuhlíðinni og skemmtu krakkarnir sér konunglega. Eftir keiluferðina var farið í Kringluna í verslunarleiðangur og þaðan í sund í Laugardalslauginni. Eftir æðislega sundferð var ferðinni heitið á ársháðíð Samfés í Laugardalshöllinni. Fram komu á ballinu Dr. Spock, Páll Óskar, Bloodgroup, Veðurguðirnir og auk þess fjórar unglingahljómsveitir.
Ballið gekk vel fyrir sig og krakkarnir skemmtu sér vel. Við komum heim ca hálf 3 um nóttina.

 
Að lokum viljum við þakka fyrir alla þá sem styrktu okkur í fjáröfluninni.

 Fyrir hönd 9. og 10.bekk
                                   Særós Ósk, Anna Júnía og Þorgrímur Magni