Að búa börnum gott námsumhverfi er verðugt verkefni en þáttur náms í velferð einstaklinga og samfélagsins verður sífellt þýðingarmeiri. Margir hafa nýtt sér það umbreytingaskeið sem við nú göngum í gegnum til að bæta við sig námi en nám þarf ekki endilega að felast í því að setjast á skólabekk. Við getum tekið okkur fyrir hendur ný viðfangsefni sem svo sannarlega geta eflt okkur sjálf sem einstaklinga og skilað þjóðhagslegum ávinningi.
Um allt land vinna foreldrar sjálfboðaliðastörf í skólasamfélaginu hvort heldur er á vegum foreldrafélaga, í skólaráðum eða skólanefndum. Ótalin eru þá öll þau störf sem bekkjarfulltrúar foreldra leggja af mörkum í þágu bekkjarins.Væru þessi störf metin til fjár eða tekin inn í þjóðhagsreikninga mætti eflaust sjá þar nýjar tölur. Sjálfboðaliðastörf í þágu barna og unglinga eru ómetanleg hvort heldur það tengist skólum, íþróttum eða annarri frítímaþjónustu.
Vetrarmót eldri borgara í Boccia fór fram í íþróttahúsi Grundarfjarðar sl. laugardag og stóð frá kl. 11 – 15. Þátttökulið komu frá Borgarnesi úr Snæfellsbæ og Grundarfirði og létu ekki rysjótt tíðafar aftra sinni för. Keppt var á þremur völlum samtímis en þrír liðsmenn skipuðu hvert lið. Keppendur sýndu margir snilldartakta í baráttunni um að vera með bolta sinn sem næst hvítu kúlunni en út það gengur keppnin. Þegar umferðum var lokið og öll liðin höfðu keppt innbyrðis voru þrjú lið efst og jöfn og kepptu til úrslita tvö lið Grundfirðinga, Blómin og Óskabörn og Borg lið Borgnesinga þeirri rimmu lauk með sigri Borgnesinganna en Blómin hlutu silfrið og Óskabörnin bronsið. Við verðlaunaafhendinguna hvatti Ingimundur Ingimundarson liðstjóri Borgnesinganna til áframhaldandi samstarfs í þessari skemmtulegu íþrótt og lagði til að næsta vetur yrði mótum eins og þessu fjölgað og þeim dreift á þrjá þéttbýlisstaði á Snæfellsnesi ásamt því að kepp yrði í Borgarnesi.
