Á síðum vikublaðsins hefur undanfarnar vikur verið fjallað nokkuð um rekstur og skuldastöðu bæjarfélagsins. Fráfarandi bæjarfulltrúi L- lista Johanna Schalkwyk gerir þetta m.a. að umtalsefni í kveðjugrein sinni í síðustu viku en hún er nú að flytja í Kópavog.
Þegar rætt er um fjárhag sveitarfélaga og samanburð á milli þeirra er mikilvægt að bera saman sambærilega hluti. Þannig er rætt um stöðu sveitarsjóðs sem einnig er nefndur A hluti og svo B- hluti sem eru stofnanir bæjarfélagsins þ.e.a.s höfnin, félagslegar íbúa og íbúðir aldraðra, fráveita og sorp. Að lokum er þetta tekið saman í heild í samstæðureikning.
Einnig tíðkast að setja fram lykiltölur skipt niður á íbúa. Ef íbúum hefur fækkað eins og raunin hefur orðið hér í Grundarfirði sýnir samanburður á milli ári hækkandi tölur á hvern íbúa, að öðru óbreyttu.
Næturganga um sólstöður á Snæfellsjökul, sem farin var að kvöldi 19. júní sl., tókst afar vel. Gangan var samstarfsverkefni Þjóðgarðsins Snæfellsjökuls og Ferðafélags Íslands. Alls gengu 251 göngugarpar alla leið upp. Veðrið lék við göngufólk og aðstæður voru afar góðar. Að þessu sinni var gengið upp norðvesturhlið Jökulsins, frá bílastæði á Harðabala upp af Eysteinsdal. Margir göngumanna höfðu áður farið á Jökulinn en ekki þessa leið. Toppnum var náð rétt fyrir klukkan hálf tvö en á leiðinni niður voru göngumenn baðaðir miðnætursólinni sem var að koma upp og litaði umhverfið og snjóinn appelsínugulan. Fjöldi þátttakenda í ferðinni er Íslandsmet í fjallgöngu og aldrei hafa fleiri tekið þátt í jöklagöngu sem einn hópur. Myndina tók Guðrún Lára Pálmadóttir
