| Þrjú lið Snæfellsnes í úrslit ! |
| Stelpurnar í 4. flokki kvenna gulltryggðu ferð sína í úrslitakeppni íslandsmótsins í knattspyrnu 7 manna liða með sigri á Stjörnunni 8-4 á Grundarfjarðarvelli á þriðjudag. Stelpurnar höfnuðu í 2. sæti síns riðils með 36 mörk í plús og töpuðu aðeins einum leik. Úrslitakeppnin fer fram á Víkingsvellinum í Reykjavík 21. og 22. ágúst nk. |
| Nánar... |
Þessi vefur er prófaður og vottaður
samkvæmt alþjóðlegum stöðlum.
Vegleg gjöf frá Verkalýðsfélagi
Fimmtudagur, 02 Júlí 2009 15:29 | 
Síðast liðin föstudag þann. 26. júní, boðaði Þórunn Kristinsdóttir fyrrverandi formaður Verkalýðsfélagsins Stjörnunnar í Grundarfirðir stjórn Dvalarheimilisins Fellaskjóls á sinn fund í húsnæði félagsins að Borgarbraut. Tilefnið var ærið því það var komið að því að efna fundarsamþykkt aðalfundar Stjörnunnar frá árinu 2007 um fjárstyrk til Fellaskjóls. Upphaflega var samþykktin fólgin í því að styrkja Dvalarheimilið í fimm ár um eina milljón króna árlega en þeirri samþykkt var breytt áður en kom til sameiningar verkalýðsfélaganna á Snæfellsnesi og var styrkurinn nú greiddur út í einu lagi krónur 5 milljónir.
Þórunn sagði frá því að eftir að þessir peningar hefðu verið lagðir til hliðar á bankabók hefði verið mikil ásókn bankamanna í að þeir yrðu ávaxtaðir á betri hátt í peningamarkaðssjóði eða með hlutabréfakaupum en sem betur fer hefði hún haft í það miklu að snúast í búskapnum ýmist í sauðburði, heyskap eða slátrun að hún hefði ekki mátt vera að því að ræða frekar við ráðgjafana og því hefði þessi peningu varðveist ágætlega þrátt fyrir hrun bankanna. Elsa Árnadóttir formaður stjórnar Dvalarheimilisins þakkaði fyrir þennan góða styrk sem hún sagði koma sér afar vel því að undanförnu hafa staðið yfir miklar framkvæmdir við breytingar og stækkun á eldhúsi sem og baðaðstöðu vistmanna ásamt fleiri lagfæringum. Nýverið var allt öryggiskerfi heimilisins endurnýjað og búið er að skipta um glugga og endurnýja klæðningu á austurhlið húsnæðisins. Þá stendur fyrir dyrum lagfæring á þaki ásamt því sem málað verður utanhúss í sumar og allt umhverfi húsins fær yfirhalningu á þessu sumri. Myndatexti:
Þórunn Kristinsdóttir afhentir Elsu Árnadóttur styrkinn fyrir aftan standa f.v. Þorsteinn Sigurðsson formaður Verkalýðsfélags Snæfellinga, sem stofnað var 22. október sl., úr stjórn Dvalarheimilisins Arnór Kristjánsson fyrrverandi formaður, Hildur Sæmundsdóttir og Jón Pétur Pétursson.
