| Þrjú lið Snæfellsnes í úrslit ! |
| Stelpurnar í 4. flokki kvenna gulltryggðu ferð sína í úrslitakeppni íslandsmótsins í knattspyrnu 7 manna liða með sigri á Stjörnunni 8-4 á Grundarfjarðarvelli á þriðjudag. Stelpurnar höfnuðu í 2. sæti síns riðils með 36 mörk í plús og töpuðu aðeins einum leik. Úrslitakeppnin fer fram á Víkingsvellinum í Reykjavík 21. og 22. ágúst nk. |
| Nánar... |
Þessi vefur er prófaður og vottaður
samkvæmt alþjóðlegum stöðlum.
Svæðisútvarp Vesturlands og Vestfjarða
Þriðjudaginn 5. maí n.k. hefjast útsendingar Svæðisútvarps Vesturlands og Vestfjarða á vegum Ríkisútvarpsins. Um langt skeið hefur verið haldið úti öflugum
svæðisútsendingum á Norðurlandi, Austurlandi og Vestfjörðum. Ítrekað hafa komið fram óskir frá íbúum Vesturlands að njóta sömu þjónustu. Nú hefur verið ákveðið að verða við þessum óskum og koma á sameiginlegum svæðisútsendingum fyrir hluta Vesturlands og Vestfirði. Í fyrsta áfanga ná útsendingarnar yfir norðanvert Snæfellsnes, þar með talið þéttbýlisstaðina Rif, Hellissand, Ólafsvík, Grundarfjörð og Stykkishólm, og alla Dalasýslu. Í framhaldinu verður hugað að því að breyta útvarpssendum þannig að útsendingin náist á sunnanverðu Snæfellsnesi og í Borgarfirði. Með þessu móti er hægt að efla þjónustuna án þess að auka mikið kostnaðinn. Nú þegar er mikið samstarf milli fréttamanna RÚV á Vestfjörðum og Vesturlandi og því ætti fyrirhuguð breyting að ganga vel.
Svæðisútsendingarnar yfirtaka útsendingu Rásar 2 frá klukkan 17.30 - 18.00, þriðjudaga til föstudaga. Þriðjudaginn 5. maí hefst útsendingin hinsvegar strax að loknum útvarpsfréttum klukkan 17.00 í tilefni dagsins. Útsendingar verða til skiptist úr hljóðverum RÚV í Borgarnesi og á Ísafirði en alla daga verður sent út efni af öllu svæðinu. Í Svæðisútvarpi Vesturlands og Vestfjarða verða sagðar fréttir, viðtöl og efni um mannlíf á Vesturlandi og Vestfjörðum. Stefnt er að því að í framtíðinni verði fréttaflutningur og dagskrárgerð fyrir landsrásirnar efldur enn frekar.
Svæðisútvarp Vesturlands og Vestfjarða er á vegum Fréttastofu RÚV. Starfsmenn eru Gísli Einarsson fréttamaður á Vesturlandi, Guðrún Sigurðardóttir, fréttamaður á Ísafirði og Jóhannes Jónsson tæknimaður. Þá vinnur Guðmundur Gunnarsson, fréttamaður, við Svæðisútvarpið í sumar. Ennfremur er gert ráð fyrir að fleiri starfsmenn Fréttastofu RÚV komi að útsendingunum eftir þörfum. Auglýsingastjóri er Hafdís Erla Bogadóttir.
Fréttastjóri RÚV er Óðinn Jónsson.
Helstu símanúmer:
Gísli Einarsson: 899 4098
Guðrún Sigurðardóttir : 456 4177
Auglýsingasími: 471 2330
