Vikublaðið Þeyr | Grundarfjörður | Snæfellsnes

Skrifstofuskólinn er hagnýt námsbraut sem býr þátttakendur undir ýmis skrifstofustörf. Námsbrautin byggir á námskrá frá Fræðslumiðstöð atvinnulífsins og gefur 18 einingar á framhaldsskólastigi að loknum 240 kennslustundum. Námsleiðinn er ætluð fólki á vinnumarkaði sem er 20 ára eða eldra og hefur stutta formlega skólagöngu að baki. Markmiðið með Skrifstofuskólanum er að auka sjálfstraust námsmanna til að takast á við almenn skrifstofustörf og auka starfshæfni sína og sjálfstraust.
Skrifstofuskólinn verður kenndur í Fjölbrautaskóla Snæfellinga í Grundarfirði. Kennt verður á mánudögum og miðvikudögum frá kl. 18:00 til 21:30. Fyrsti kennsludagur verður 21.september og útskrift er 27.mars 2010.

Það lagði kolsvartan reyk yfir bæinn að sögn Gunnars Kristjánssonar fréttaritara. Ljóst er að um stórtjón er að ræða vegna stórbrunans í gærkvöldi í gamla fiskmarkaðnumj við Sólvelli. Kalla þurfti allt tiltækt lið Slökkviliðanna á Snæfellsnesi því aðstæður voru erfiðar, bæði var hvasst og norðanátt og einnig voru húsin erfið viðureignar með þrjár samliggjandi byggingar , þröng herbergi, og varð að vinna slökkvistarf utanfrá. Freon- og gaskútar voru í húsunum og var því einnig hætta á sprenginum.

Síðastliðið sumar hófst vinna við að endurvekja meistaraflokk UMFG í knattspyrnu af löngum dvala en í Grundarfirði hefur ekki verið boðið upp á meistaraflokk síðan 1987.   Eftir að Snæfell í Stykkishólmi hætti í vor, þá var enginn möguleiki fyrir menn að leggja stund á alvöru fótbolta, nema sækja æfingar hjá utandeildarliðum fyrir sunnan.  Víkingur Ólafsvík spilar á allt öðru og hærra plani, og er meiningin að UMFG geti í framtíðinni stutt við það góða starf sem unnið er í Ólafsvík.  Leikmenn hefðu þá tækifæri til að spila alvöru leiki í neðrideildum í stað þess að hætta iðkuninni í kringum bílprófsaldurinn.