Vikublaðið Þeyr | Grundarfjörður | Snæfellsnes

Sunnudaginn seinasta, þann 22. febrúar, voru nokkrir 8 og 9 ára krakkar vígðir skátar. Dagurinn byrjaði á gönguferð í Gilið þar sem drekaskátarnir léku sér í þrautum og lærðu að kveikja eld og að sjálfsögðu að grilla sykurpúða. Foreldrar drekaskátanna komu í heimsókn, við fórum öll saman í einn leik og síðan voru drekaskátarnir vígðir og fengu gula klútinn sinn. Eftir vígslu var boðið upp á skátakakó til ilja sér og því loknu hvöttumst við.

Dagurinn 22. febrúar er sérstakur dagur í augum skáta um allan heim því þann dag fæddist stofnandi skátahreyfingarinnar, Sir Baden Powell, og allir skátar minnast þess með því að halda daginn hátíðlegan og um leið minna sig á til hvers skátastarf er, þ.e.a.s. að láta gott af sér leiða. Undanfarna daga hefur átakið „Góðverk dagsins" verið í gangi og er kynnt á www.godverkin.is, drekaskátar og fálkaskátar í skátastarfi Grundarfjarðarkirkju hafa verið hvattir til þess að gera eins mörg góðverk og þeir geta síðastliðna viku og næstu daga. Hvet ég alla til að taka þátt í þessu átaki og gera a.m.k. eitt góðverk á dag.

 Aðalsteinn Þorvaldsson
Sóknarprestur Setbergsprestakalls.

Við sem búum hér á Snæfellsnesi erum rík að hafa fjöllum prýddan fjallgarðinn með sýnum ótalmörgu tækifærum og gegnum árin hafa margir verið með þá hugmynd að skipuleggja gönguleiðir um fjallgarðinn og þá horft til gamalla ferðaleiða.

Á haustmánuðum ákvað sá sem ritar þessa grein að vinna til hlítar með þá hugmynd, að hanna nýja gönguleið eftir Snæfellsnesfjallgarði. Hin nýja gönguleið mun liggja eftir Snæfellsnesfjallgarðinum miðjum frá Heydal austan við Ljósufjöll og alla leið vestur að Snæfellsnesjökli og er vegalengdin yfir 80 km.

Að hanna gönguleiðina

Ekki er skipulögð gönguleið þarna og eru ýmsir möguleikar við hönnun þessarar vöru. Gengið er gegnum þrjú eldstöðvakerfi sem eru ´´Ljósufjallaeldstöðin, Elliðaeldstöðin og svo Snæfellsjökull sem trónir vestast á nesinu og er enn virkur. Þarna á hinni fyrirhuguðu leið er ægifagurt útsýni, fjölbreytilegt landslag og jarðmyndanir. Hverjir eru líklegir til þess að ganga þessa leið?

Lúðrasveit Tónlistarskóla Grundarfjarðar fagnaði eins árs afmæli nú í janúar og borðuðu krakkarnir ljúffenga afmælistertu á æfingu af því tilefni. Starfið hefur farið fram úr björtustu vonum segir stjórnandinn Baldur Orri Rafnsson þetta er  fyrsta starfsárið og greinilegt að nemendur eru mjög áhugasamir um að standa sig vel í Lúðrasveitinni.

Lúðrasveitin mun fara í  æfingabúðir síðustu helgi í mars í Tónlistarskólanum í Stykkishólmi og æfa sig fyrir tónleika sem haldnir verða 2. apríl í Samkomuhúsi Grundarfjarðar. Þema tónleikanna er suðræn sveifla og mun Lúðrasveitin ásamt góðum gestum leika lög frá Suður Ameríku og Afríku. Ágóði af tónleikum mun renna í hljóðfærasjóð Lúðrasveitarinnar.

Sturla Böðvarsson leggur fram þingályktunartillögu um nýtingu sjávarfalla í Breiðafirði til raforkuframleiðslu.

Alþingi ályktar að fela ríkisstjórninni að gera áætlun um nýtingu sjávarfalla í Breiðafirði til raforkuframleiðslu. Könnuð verði hagkvæmni mismunandi aðferða og staðsetninga. Skipuð verði verkefnisstjórn sem hafi umsjón með gerð áætlunarinnar og ljúki við skýrslu fyrir árslok 2009.
G r e i n a r g e r ð .
Á undanförnum árum hefur áhugi aukist á óhefðbundnum endurnýjanlegum orkugjöfum, svo sem vindorku, sólarorku og sjávarföllum. Rannsóknir og tilraunir fara nú fram víða um heim á notkun sjávarfalla til raforkuframleiðslu og mikil þróun er að verða á því sviði. Því hefur verið haldið fram að í sjónum sé falin 5000 sinnum meiri endurnýjanleg orka en orkuþörf heimsins er nú. Hægt er að virkja sjávarföll á tvo vegu, annars vegar með því að stífla sund og firði og virkja hæðarmun sjávarfalla og hins vegar með því að virkja hreyfiorku streymisins án þess að hindra streymið. Fyrri kosturinn hefur verið reyndur á nokkrum stöðum en þykir ekki umhverfisvænn.