Vikublaðið Þeyr | Grundarfjörður | Snæfellsnes

Á mánudaginn 1. þessa mánaðar afhenti Þorbjörg Alexandersdóttir frá Kvenfélagi Hellissands Berit Sveinbjörnsdóttur ljósmóður og hjúkrunarfræðingi  barnahúfur á Heilsugæslustöðinni í Ólafsvík. Þetta er liður í átaki Kvenfélagasambandi Íslands en sambandið  hefur ákveðið að gefa öllum nýburum sem fæðast á Íslandi  húfur. Þetta er í tilefni þess að 80 ár eru liðin frá stofnun  sambandsins.  Áætlað er að um 5000 húfur þurfi í verkefnið en gert er ráð fyrir að um 5000 börn fæðist á landinu afmælisárið.  Kvenfélagasamband Íslands dreifir verkefnislýsingu og uppskrift að litlum húfum sem passa á nýbura ásamt merkimiðum til að merkja húfurnar. Ístex leggur til merkimiðana, á þeim eru upplýsingar um verkefnið og leiðbeiningar um meðhöndlun húfunnar sem prjónuð er úr Kambgarni. Kvenfélagasamband Íslands vonast er eftir almennri þátttöku um þetta góða verkefni sem er  tvíþætt. Annars vegar snýst það um að láta gott af sér leiða og gefa öllum börnum handprjónaða  húfu og hins vegar um að vekja athygli á kvenfélögunum í landinu og starfssemi þeirra. Kvenfélögin innan KÍ eru nú tæplega 200 og starfa innan 17 héraðssambanda um land allt. Í Grundarfirði tekur Aðalheiður Lára Guðmundsdóttir við húfum en í  Snæfellsbæ taka eftirfarandi konur á móti húfum: Þorbjörg Alexandersdóttir , Margrét Birgisdóttir, Áslaug Sigvaldadóttir og Bryndís Jónasdóttir.    H A

Það ætti ekki að fara framhjá neinum að á hverju ári breytist Grundarfjörður í lítið kvikmyndasýningarþorp þegar Northern Wave Film Festival leggur bæinn undir sig. Dögg Mósesdóttir ber veg og vanda að hátíðinni í  ár líkt og fyrri ár, en hún er upphafsmaður og drifkraftur hátíðarinnar. Búið var að auglýsa eftir vestlenskum stuttmyndum til keppni en því miður reynist ekki vera neinn kvikmyndaáhugamaður eða kona í bænum. Það kemur þó ekki að sök þó ekki séu sýndar vestlenskar myndir í ár því aldrei hefur borist inn eins mikill fjöldi af myndum og í ár og því er dagskráin orðin stútfull. En til að fá nú bæjarbúa til að taka virkan þátt í hátíðinni og kynnast sínum gestum verður í ár bryddað upp á keppni í fiskisúpugerð meðal íbúanna.

Sólardagar verða haldnir í Fjölbrautaskóla Snæfellinga þann 11. - 12. febrúar nk.  Þar verður brotið upp hefðbundið skólastarf með því að skipuleggja fjölbreytta og skemmtilega dagskrá fyrir nemendur en um leið höfum við ákveðið að láta gott af okkur leiðaJ.

 

Nokkrir nemendur hafa tekið að sér að fara í gang með fatasöfnun í samstarfi við Rauða Kross deildirnar á Snæfellsnesi. Ákveðið hefur verið að hafa heljarinnar Kolaportsstemningu  í skólanum þessa daga þar sem við munum selja fötin og mun allur ágóðinn renna til barnastarfs Unicef sem Rauði krossinn mun sjá um að koma áleiðis.